196
9.
MARKAZIY OSIYO DAVLATLARI (QOZOG’ISTON,
QIRG’IZISTON, TOJIKISTON, TURKMANISTON)
Tayanch tushunchalar:
Nur-Sulton,ko’mir koni, uran, IES, GES, erkin
assotsiatsiyalashgan hududlar, dominion, G’arbiy Qozog’iston, Mang’istov
viloyatlari, turkman gilamlari, Vaxsh vodiysi, Pomir, eksport, import, metallurgiya
kombinati, mis konlari, Temirtov, Osh shahri, Dushanbe shahri, Qoraqum, Ustyurt
platosi, viloyat, poytaxt.
9.1.
Qozog’iston Respublikasi.
Maydoni 2.717.300 km
2
. Aholisi 18,4 mln. kishi. Poytaxti — Nur-Sulton
shahri. Davlat tili qozoq tili. Dini- Islom. Pul birligi — qozoq tangasi. Mustaqillik
kuni 16 dekabr (1991 y.). Qozog’iston 5 ta davlat (Rossiya, Xitoy, Qirg’iziston,
O’zbekiston va Turkmaniston bilan hamda Kaspiy dengizi orqali Ozarboyjon bilan
13.331 km.masafada chegaradosh.
Mo’gul va Turk merosini uyg’unlashtirgan Qozog’iston xalqi milodiy 1200
yillardan boshlab Markaziy Osiyo hududlarida o’rnasha boshlagan. Rus imperiyasi
bosqinchili davri Qozog’ison madaniyatiga ko’p ta’sir ko’rsatdi.
Qozog’iston 14 ta viloyatdan iborat.
Almati, Jambul, Qizilo’rda, Turkiston,
Qarag’anda, Aqmo’la, Kustanay, Pavlodar va Shimoliy Qozog’iston, Sharqiy
Qozog’iston, Aqto’be, Atirau, G’arbiy Qozog’iston, Mang’istov viloyatlari. Yirik
shaharlari: Almati, Shimkent va Astana.
Qozoqiston o’z poytaxtini ko’chirgan. Sovet davrida poytaxt janubroqda –
Olmaota shahrida bo’lgan bo’lsa, mustaqillikdan so`ng shimolroqqa – Ostona
shahriga ko’chirildi.
Tabiiy sharoiti
. Qozog’iston hududining g’arbiy, shimoliy va markaziy
qismi tekisliklardan. Shimoli-sharqiy, janubi-sharqiy va janubiy qismi tog’lar
(Oltoy, Jung’ariya Olatovi, Tarbag’atay, Tyan-Shan) bilan o’ralgan. Markaziy
qismida Qozog’iston pasttog’lari, g’arbida Mug’odjar past tog’lari mavjud.
Qozog’iston foydali qazilmalar
ga boy bo’lib, bu yerdagi foydali qazilmalar
mis, qo’rg’oshin, rux, kumush, volfram, vismut, bariy bo’yicha MDHda birinchi,
neft, molibden, boksit, fosforit, asbest zahiralari bo’yicha ikkinchi, ko’mir, temir
rudasi uchinchi o’rinni egallaydi hamda hududda shuningdek, tabiiy gaz,
197
oltin,nekilb, xromit, nekil, tuz zahiralari, qurilish materiallarning zahiralari
mavjud.
Qozog’iston ko’mir zahiralari bo’yicha MDH davlatlari orasida Rossiya va
Ukrainadan keyin uchinchi o’rinda turadi. Ko’mirning umumiy geologik zahirasi
(100 dan ortiq kon) 176,6 mlrd tonna atrofida bo’lib, jumladan Qarag’anda (Abay,
Shaxta, Shaxan) kokslavchi ko’mir havzasida 51 mlrd tonna, Ekibastuzda 12 mlrd
tonna (yiliga 50 mln tonna ko’mir qazib olinadi), Moyko’ba (zahirasi 10 mlrd
tonna), Turg’oy (zahirasi 40 mlrd tonna) havzasi (Kustanay)da qo’ng’ir ko’mir
mavjud.
Qozog’iston neft zahiralari (200 dan ortiq kon) bo’yicha MDH davlatlari
orasida Rossiyadan keyin ikkinchn o’rinda turadi. Qozog’istonda neft va gaz
rayonlar Kaspiy bo’yi pasttekisligi, Mang’ishloq, Ustyurt, Sharqiy Orolbo’yi,
To’rg’ay botig’i, Sharqiy va Janubiy Qozog’iston tog’ oralig’i botiqlariga to’g’ri
keladi. O’lkada neft zahirasi 3,2 mlrd tonnadir. Hozirgi kunda 60 dan ko’proq kon
foaliyat olib bormoqda. Hozirda Kaspiy dengizining shimoliy qismidagi shelfda
joylashgan Qorachig’anoq konidan neft qazib olinmoqda. Uning geologik zahirasi
4.8 mlrd.tonnadan oshadi.Undagi gaz zahirasi 1 trln.m
3
ga teng. Kelajakda mazkur
kondan yiliga 50-100 mln t neft qazib olish rejalashtirilgan. Ko’ndi o’zlashtirishda
jahonning yirik neft kompaniyalari qatnashmoqda ( 46 jadval).
Do'stlaringiz bilan baham: |