Tushuntirish-izoh yozuvi

Muammoli o'qitish usuli qo'llanilmagan.
“Suvga ishlov berish va sifatini nazorat qilish” mavzusi
bo’yicha o’qitish metodikasi.


Tashkiliy qism.
Dars boshlandi. Auditoriyadagi talabalar hurmat ila o’qituvchi bilan salomlashishdi va o'quv qurollarini tayyorlab nigohlarini o'qituvchiga qaratishdi.
O’qituvchi talabalarning kiyinish madaniyatiga, o'quv qurollarining tayyorligiga nazar tashlab qo'ydi. Bir-ikki talabaga mavsumga mos holda kiyinish zarurligini uqtirib o'tdi. Kiyinish madaniyati haqida biroz to’xtalib, ya’ni ta’lim maskaniga mos libosda bo’lishlari lozimligi haqida aytib o’tdi. Keyin talabalarga xos did bilan kiyingan a'lo o'qiydigan talabalarga qarab mamnuniyat bilan quyidagi so'zlarni aytdi. Ta’lim – bu bilim olish, bilim olish- o’qish, o’qish esa o’rganish va takrorlashdir.
Kimki dilda tarbiyani olsa bisyor,
Aql yo’lidan borib yashar baxtiyor.
Aqlsizlik boshlar kishini jar tomon,
Va uqubat yo’lin aylar ixtiyor.
Tarbiya, ta’lim, taqlid, tadqiqot, tahlil, taftish, tergash va tanqid bo’lmagan joyda yuksalish ham bo’lmaydi – dedi jiddiy ohangda. Sizlar musichaning muloyimligini, musichaning ziyrakligini va burgutning o’tkir zehnini qo’shib, sokin nigohli, ziyrak va zehnli inson bo’ling. Zehn-ziyraklilar aql zakovatining o’tkir nigohi bilan, gapining ma’nosi, yurish-turishi va ko’zlarining harakatidan odamlarning pok yoki qora niyatini sezadi. Ularga g’alaba hamisha hamroh, xavf-xatar va ziddiyatlar yiroq bo’ladi. Guruhdagi talabalarning ko'pchiligi ularga havas bilan qarab qo'yishdi.
O'qitivchi ikki daqiqalar mobaynida doska oldidan auditoriya o'rtasidagi yo'lakcha bo'ylab oxirgi partagacha bordi, talabalarning xatti-harakatlarini kuzatdi va doskaning oldiga qaytib keldi. Darsda telefon apparatlarini ovozsiz rejimga qo'yib, telefonda iloji bo'lsa gaplashmaslikni va atrofdagilarning diqqatini tortmaslikni talab qildi. Shundan keyin davomatni jurnalga qayd qildi. Auditoriyada talabalar ko'p bo'lganligi bois, o'qituvchi guruh sardoriga murojat qilib, auditoriyada yo’q talabalarning ism-familyalarini va ularning kelmaslik sabablarini aytib berishni so'radi, so'ng ma'lumotlarni jurnaliga qayd qilib qo’ydi. Shu vaqtda Durdona ismli talaba darsga kirishga ruxsat so’radi. Uzr domla yo’l tirbant ekan shunga; Nega kech qolib yuribsiz? Tong soat beshda yorishadiku. Axir shunday hikmatli gaplarimni tinglamay qoldingizda –deb kulib qo’ydilar. Har doim ta’kidlayman darsga kech qolmanglar deb, “yaxshi otga bir qamchi, yomon otga ming qamchi”dedilar. Keyin doskaga mavzuni va rajasini yozib, qani hamma daftariga bugungi mavzuni yozsinchi. Talabalar bugun biz faqat darslik bilan ishlaymiz. Hech qanday texnik vositalar bilan ishlamaymiz. Biz darsga an’anviy usul bilan yondoshamiz. Sizlarga mavzuni tushuntirib borayotganimda, sizlar o’zingizga notanish bo’lgan tayanch so’zlarni daftaringizga qayd qilib borasiz. Dars so’ngida tushunmagan joylarini so’raysiz dedilar