Tushintirishxat I

Jamoat transporti yo‘nalishlarini tashkil etishdagi
asosiy omillar:
1. Andijon shahrida 83 ta mahalla fuqarolar yig’ini mavjud
2. Andijon shahridagi doimiy aholi soni 441 713 nafarni tashkil etadi
(2020 yil 1-yanvar xolatiga)
3. Aholining 2017 yil nisbatan o‘sish sur’ati 103,3 %
(2020 yil 1-yanvar xolatiga
4. Sanoat tarmoqlarini kengayishi va yangidan qurilayotgan ishlab chiqarish korxonalari sonini ortib borishi
5. Aholining o‘sish darajasidan kelib chiqib, yangi turar joylar, aholi yashash massivlari va ularda ijtimoiy ob’ektlar barpo etilishi
1.3 Andijon shaxrida jamoat transportida uchraydigan muammolar va uni bartaraf etishga doir takliflar.
Muammo: Avtobuslarning tannarxi juda baland bo‘lganligi va ularni sotib olishda bank kreditlari foizlarining yuqoriligi :
Taklif: Avtobuslar sotib olishda bank kreditlari foizlari va lizing foizlarini kamaytirish hamda chet davlatlardan sotib olinadigan avtobus va mikroavtobuslarga bojxona imtiyozlarini beruvchi meyoriy hujjat ishlab chiqish. Viloyat aholisining avtotransport xizmatiga bo‘lgan ehtiyojini nisbatan arzon va sifatli bo‘lgan avtobuslar yordamida qondirish maqsadida avtobus va mikroavtobus sotib oluvchi tadbirkorlarga imtiyozli kredit ajratilishida (to‘lov muddatlarini 7 yil muddatga uzaytirish va 10 % imtiyozli stavkalari belgilash), sotib olinayotgan transport vositalarini garov xisobida o‘zini qo‘yish imkoniyati yaratilishida shuningdek, chetdan (Xitoy, Rossiya) avtobus olib kelishda imtiyozlar qo‘llanilishida amaliy yordam zarur.
2. Muammo: Jamoat transportlarining (avtobus va mikroavtobus) kunlik daromadi, shahar yo‘lovchilar tashish transportida korxonalar cheklangan tariflar va imtiyozli yuruvchi yo‘lovchilar hisobiga o‘z xarajatlarini qoplamasligi
Taklif: Shahar ichi avtobus va mikroavtobus yo‘nalishlari bo‘yicha korxonalarning cheklangan tarif va imtiyozli yuruvchi yo‘lovchilar hisobidan ko‘radigan zararni qoplash maqsadida byudjet hisobidan birlamchi xisob-kitoblar asosida dotatsiya ajratish choralarini ko‘rish uchun keyingi yil byudjet parametrlariga kiritish.