Turli guruh va qatlamlar bilan ijtimoiy ish

Mehnat jabhasidagi ijtimoiy himoya tizimi bu – mehnatga layoqatli fuqarolarga shaxsiy mehnatiga qo‘shgan ulushi, iqtisodiy mustaqilligi va tadbirkorligi hisobiga; aholining ijtimoiy himoyaga muhtoj qatlamiga – davlat hisobiga, biroq qonun bilan belgilab qo‘yilgan eng oz ish haqidan kam bo‘lmagan miqdorda hayot kechirish uchun sharoitni namoyon qiluvchi huquqiy, ijtimoiy-iqtisodiy va siyosiy kafolatlar tizimidir.

Mehnat sohasidagi ijtimoiy himoya quyidagi yo‘nalishlari mavjud:

- ob’ektiv sabablarga ko‘ra yordamga muxtoj kishilarga ko‘maklashish;

- fuqarolarga hayot kechirishi uchun mablag‘ ishlab chiqishi uchun sharoit yaratish;

- fuqarolarning ta’lim olishga, tibbiy xizmatga va h.k.larga bo‘lgan ehtiyojlarini ta’minlash uchun qulay sharoit yaratish;

- mehnat qilish uchun qulay sharoit yaratish va h.k. bilan ta’minlash.

Shuningdek e’tirof etish joizki, ijtimoiy ish xodimi odatda sanoatdagi “generalitet”, yoki umumiy profildagi ijtimoiy ish xodimi sanaladi. U sanoatdagi mijozlar va ularning oilalari bilan ishlaydi, krizisli holatlarda maslahatlar beradi, nafaqa yoshiga yaqinlashgan shaxslar uchun guruhli tartibda mashg‘ulotlar o‘tkazadi, korxona ma’mu-riyati va xodimlar o‘rtasidagi o‘zaro munosabatlarni uyg‘unlashtirish maqsadida sanoatdagi turli ijtimoiy tuzilmalar bilan hamkorlik munosabatida boradi. Korxonalardagi ijtimoiy xizmatlarning vazifalari to‘g‘risidagi masala hozircha munozarali bo‘lib qolmoqda. Ijtimoiy rivojlanish xizmati amaliyotida quyidagi asosiy vazifalar yetarlicha aniq ajralib turadi:

- ijtimoiy rejalashtirish;

- ijtimoiy muammolarni tadqiq etish va hal etish;

- korxonaning ishlab chiqarish, texnika va iqtisodiy siyosatida ijtimoiy omil hisobi;

- ijtimoiy maorif;

- konsultativ vazifalar.

Ijtimoiy masalalarni sex darajasida hal etish:

- ish, sharoit va mehnatga haq to‘lash, kasbiy o‘sish va moslashish, jamoadagi o‘zaro munosa-batlar, jamoatchilik ishi, jamoadagi o‘zaro munosabatlar, jamoatchilik ishi, ishdagi ilgarilash va oqsash, uy xo‘jaligi, bo‘sh vaqt va farzandlar tarbiyasi, ijtimoiy axborotga egalik.

Jamoada ijtimoiy-psixologik muhitni shakllantirish. Sog‘lom muhit sirasiga quyidagilar kiradi: jamoa a’zolarining ishonchi va yuksak darajadagi talabchanligi; rahbariyatning oshkoralik uslubi; o‘zaro javobgarlik munosabatlari; ixtiloflarning yo‘qligi va h.k.lar.

Yosh ishchilarning ishlab chiqarishga moslashuvi. Ishlab chiqarishga moslashishni o‘tash tasnifini:

- moslashuvchi sub’ekt shaxsi;

- ijtimoiy muhit, kasbiy faoliyat, tanlash va murabbiylar ishi kabi omillar belgilab beradi.