Turkum: Ecaudata – Dumsizlar Oila

36-rasm. Baqaning siydik tanosil sistemasi (A-urg`ochi baqa,B-erkak baqa):
A. 1-buyrak, 2-siydik yo`li, 3-kloaka bo`shlig`i, 4-siydik teshigi, 5-siydik pufagi, 6-siydik pufagi teshigi, 7-chap tuxumdon(o`ng tuxumdon rasmda chizimagan), 8-tuxum yo`li, 9-tuxum yo`lining voronkasi, 10-yog` tanachasi (o`ng tomonidagisi ko`rsatilmagan), 11-buyrak usti bezi, 12-jinsiy teshik.
B. 1-buyrak, 2-siydik yo`li (urug` yo`li ham hisoblanadi), 3-kloaka bo`shlig`i, 4-siydik-tanosil teshigi, 5-siydik pufagi, 6-siydik pufagi teshigi, 7-urug`don, 8-urug` olib chiquvchi kanallar, 9-urug` pufagi, 10-yog` tanachasi, 11-buyrak usti bezi.
Jinsiy organi. Yetilgan tuxumlar, tuxumdon devorini teshib tana bo’shlig’iga tushadi. So’ngra tuxum yo’lining voronkasi orqali tuxum yo’liga va bu orqali kloakaga o’tadi. Tuxumlar tuxum yo’lidan otish paytida studenik (dirildoq) pardaga o’raladi. Bachadon tuxumlar qo’yishga qulay shaklni oladi. Shunday qilib, urg’ochi baqalar siydik-tanosil yo’llari bir-biridan to’liq ajralgan. Urug’ va tuxumdonlarning ustida suvda va quruqda yashovchilar uchun xarakterli bittadan yog’ tanachasi yotadi. Uning pallalari katta-kichik sariq tanadan iborat bo’lib, bu tuxum va urug’ hujayralarning oziqlanishi uchun sarf bo’ladi. Shuning uchun ham ular yoz va kuzda urug’don, tuxumdonlar kichik vaqtida katta, bahorda esa, ya’ni amfibiyalarning ko’paishi davrida esa kichik bo’ladi.
Ishni rasmiylashtirishga oid tavsiyalar: Rasmlarni albomga chizib oling, baqaning tuzilishini tahlil qiling va o`rganing.