Turizm va servis

Kurs ishining maqsadi va vazifalari. Turizm xizmat ko’rsatish korxonalarida global marketing va raqobat imkoniyatlarini ochib berishga qaratilgan ilmiy va amaliy jihatdan asoslangan taklif va tavsiyalar ishlab chiqishdan iborat.
O‘zbekiston Respublikasi Markaziy Osiyo respublikalari orasida nisbatan
katta turistik imkoniyatlarga ega bo‘lib, u bu sohada raqobatga bardosh bera
oladigan hamda turizmni yanada rivojlantirish uchun potensial imkoniyatlarga ega
bo‘lgan mamlakatlardan biri bo‘lib hisoblanadi. Ularda ko‘rsatiladigan xizmatlar
jahon standartlari talablariga javob beradigan darajada bo‘lishi lozim. Ammo bu
borada bizdagi hozirgi holatni ijobiy baholab bo‘lmaydi. Shuning uchun mavjud
mehmonxonalar xizmat kursatish marketingi va samaradorligini oshirish
imkoniyatlarini to‘liq ishga solish uchun ularni alohida tadqiq qilishni, ilmiy
jihatdan asoslangan taklif va tavsiyalarni ishlab chiqishni taqozo qiladi. Shulardan
kelib chiqib, mehmonxonalarda xizmat kursatish marketingi va samaradorligini
oshirish yo‘nalishlarini ishlab chiqish zarurligi tadqiqot mavzusining dolzarbligini
belgilaydi.
Zamonaviy marketing turistik korxonani ko‘plab iste’molchilarning doimiy ravishda o‘zgarib turadigan talablari (ehtiyojlari)ni qondirishga yo‘naltiradi, ya’ni turistik marketing shunday boshqaruv falsafasidirki, unda iste’molchilar muammolarini, talablarini samarali qondirish yo‘li bilan nafaqat tashkilotning, balki turistik resurslar makoni bo‘lgan mamlakatning ham muvaffaqiyat qozonishga olib keladi.
Bugungi kunda turizm iqtisodiyotning ajralmas tarmog‘iga aylangan bo‘lib, respublikamizning jahon mamlakatlari integratsiyasida faol ishtirok etishiga imkon tug‘dirmoqda. O‘zbekistonga keluvchi xorijiy fuqarolarning aksariyatini (74%) xususiy maqsadlarda sayohat qiluvchilar tashkil etadi. Biznes maqsadida
keluvchilar 14 % bo‘lsa, turistik maqsadda keluvchilar 6 % tashkil etadi. Qolgan
6 % boshqa maqsadlarda keluvchilarga to‘g‘ri keladi. O‘zbekistonga keluvchi
xorijiy fuqarolarni MDH mamlakatlari, Germaniya, AQSH, Janubiy Koreya,
Fransiya, Yaponiya, Turkiya, Buyuk Britaniya kabi mamalakatlar yetkazib beradi.

1.