Turizm va mehmonxona xo’jaligi” kafedrasi o’zbekiston iqtisodiyoti fani bo’yichA

Qisqacha xulosalar
1. Sanoat majmuasining tarkibi murakkab bo‘lib, unda yuzdan oshiq tarmoq mavjud. O‘zbekistonda sanoat korxonalari faoliyati 18 ta yiriklashtirilgan tarmoqqa birlashtirilib o‘rganiladi. Sanoatlashgan mamlakatlarda esa sanoat majmuasi texnologik tavsifiga ko‘ra ham o‘rganiladi. Unga ko‘ra, yuqori texnologik tarmoqlar, o‘rta darajadagi yuqori texnologik sanoat tarmoqlari, o‘rta darajadagi past texnologik sanoat tarmoqlari hamda texnologik darajasi past sanoat tarmoqlari ajratib ko‘rsatiladi.

2. Sanoatning milliy iqtisodiyotdagi o‘rni va rolini tavsiflovchi ko‘rsatkichlar mavjud. Ular sanoatning rivojlanish darajasi va sur’atlariga baho berishda qo‘l keladi.

3. Milliy sanoatning rivojlanishi bosqichma-bosqich, tadrijiy mazmun kasb etmoqda. Davlatning sanoat siyosati mamlakatimizning sanoat salohiyatini yanada yuksaltirish maqsadida amalga oshirilmoqda.

4. Milliy sanoatdagi o‘zgarishlar iqtisodiyotimizni yanada baquvvat qilish, uning investitsion kuchini oshirish, jahon bozorida raqobatbardosh tovarlar ishlab chiqarish imkoniyatlarini oshirishga xizmat qilmoqda. Aholining zarur iste’mol mahsulotlariga bo‘lgan ehtiyojini to‘laroq qondirishga erishilmoqda.

5. Asosiy sanoat tarmoqlaridagi miqdoriy va sifat o‘zgarishlari milliy sanoatning ichki bozorni to‘laroq tovar va mahsulotlar bilan to‘yintirish imkoniyatlari kengayayotganligi hamda ishlab chiqarish quvvatlari oshib borayotganligini bildiradi. Ko‘rsatkichlarning dinamik o‘zgarayotganligi shundan dalolat beradi.