9-Laboratoriya mashgulot. Muskul kuchini aniqlash. (Dinamometriya) Ishdan maqsad

9-Laboratoriya mashgulot. Muskul kuchini aniqlash. (Dinamometriya)
Ishdan maqsad: Odam muskuli kuchini o`lchash metodi bilan tanishish.
Ish uchun kerakli jihozlar: qo`l (panja) kuchini va gavdaning tiklanish kuchini o`lchaydigan dinamometrlar.
Ishni bajarish tartibi. Sinaluvchi kishining o`ng va chap qo`l (panja) barmoqlarining bukuvchi muskullar kuchini qo`l dinamometri bilan o`lchanadi. Oldin sinaluvchi maksimal kuchlanish bilan bog`liq harakat mashqini bajaradi. So`ng qo`lga dinamometr olib maksimal kuchlanish bilan 5 s oralatib uch marta qisadi va o’rtacha ko`rsatkich qayd qilinadi.
P = (f<sub>1</sub>+f<sub>2</sub>+f<sub>3</sub>+f<sub>4</sub>+…+fn) /n.
P-ish qobiliyatining darajasi, f-dinamometr ko’rsatgichlari, n-tajribalar soni.
Tajriba tugagach o`ng va chap qo`l muskullari kuchi qiyoslanadi va ish qobiliyatining pasayishi formula yordamida aniqlanadi.
S= |( f<sub>1</sub>-f <sub>min</sub>)/ f <sub>max</sub> | x 100
Keyin gavdaning tiklanish kuchini o`lchaydigan dinamometr bilan egilgan gavdaning tiklovchi muskullar kuchi aniqlanadi. Har qanday muskul guruhining kuchi kishining yoshi va jinsiga bog`liq; 20 yoshdan 30 yoshgacha muskul kuchi eng yuqori darajada bo`ladi.

Topshiriqlar. Tajriba sxemasini chizing.

Savollarga javob bering.
1. Muskul kuchi qanday asbob bilan o`lchanadi ?
2. Nima uchun tolalar uzunasiga joylashgan muskullarga nisbatan patsimon
muskullar kuchi ortiq bo`ladi ?