Turizm va mehmonxona xo’jaligi” kafedrasi o’zbekiston iqtisodiyoti fani bo’yichA

Qurilish materiallari sanoati. Milliy iqtisodiyotning barpo etilishi va yuqori sur’atlarda rivojlanishida qurilish materiallari sanoatining ahamiyati mustaqillik yillarida salmoqli bo‘lmoqda. Mazkur sanoat ishlab chiqarishi ikki yo‘nalishda – kapital qurilish, aholi ehtiyojlari uchun uy-joy va boshqa obyektlar qurishga xizmat ko‘rsatmoqda. Qurilish materiallari sanoatining asosiy tovar mahsulotlari sement, qurilish ohagi, gips, yig‘ma temir-beton konstruksiya va buyumlari, devorbop materiallar, asbest-sementli shifer, asbest-sementli quvur va muftalar, linoleum, bezakli sopol plitkalar, keramzit, noruda qurilish materiallaridan iboratdir.

Qurilish materiallari sanoati ishlab chiqarish hajmi 2000 – 2016-yillarda yiliga o‘rtacha 7,8 – 8,0 foiz qo‘shimcha o‘sib bordi. Bu ko‘rsatkich 1997–2007-yillarda o‘rtacha 4,5 – 5,0 foizni tashkil etgan edi.

2016-yilda mamlakatimizda 8461,9 ming. tonna sement, 319,4 ming tonna qurilish ohagi, 240,8 ming tonna gips, 1 mlrd. 267 mln. dona qurilish g‘ishti, 312,5 ming metr kvadrat yig‘ma deraza va eshiklar ishlab chiqarildi.

Iqtisodiyotni modernizatsiyalash va texnik-texnologik qayta jihozlash bosqichida qurilish materiallari sanoatining o‘sish sur’atlari tezlashmoqda. So‘nggi yillarda hukumatning qishloq joylarda namunali uy-joy qurilishini rag‘batlantirish va qo‘llab-quvvatlashga qaratilgan siyosati sohaning ishlab chiqarish imkoniyatlarining kengayishiga olib keldi.