Turizm va mehmonxona xo’jaligi” kafedrasi o’zbekiston iqtisodiyoti fani bo’yichA

Reja:

24.1. Ijtimoiy sohaning tuzilishi

24.2. Turmush darajasi va sifati tushunchasi.Turmush darajasi ko‘rsatkichlari

24.3. Aholining iste’mol darajasi ko‘rsatkichlari

24.4. Ijtimoiy infratuzilmaning rivojlanishi

24.5. Ijtimoiy siyosatning asosiy yo‘nalishlari
Aholining turmush sharoiti, hayot kechirishi va turmush darajasini yaxshilash bilan bevosita bog‘liq bo‘lgan sohalar ijtimoiy sohalar deb ataladi. Ta’lim, sog‘liqni saqlash, uy-joy va kommunal xo‘jaligi, madaniyat va san’at, sport va boshqa ijtimoiy infratuzilma ob‘ektlari ijtimoiy sohaning tarkibiy qismlari hisoblanadi. Axborot va telekommunikatsiya, yo‘lovchi transporti, aholiga pulli xizmat ko‘rsatuvchi boshqa tarmoqlar ham ijtimoiy ahamiyatga ega xizmatlar ko‘rsatuvchi tarmoqlarga kiradi.

Aholi sonining o‘zgarishi, uning harakatlanishi, nikoh qurish, ajralish, umr ko‘rish davomiyligining uzayishi, shahar va qishloq aholisi soni nisbatlarining o‘zgarishi, aholining shaharlashuv jarayoni, aholi daromadlari va uning tarkibi o‘zgarishi, turmush shart-sharoitlarining o‘zgarishi ijtimoiy hodisa va jarayonlar hisoblanadi.

Ijtimoiy yo‘naltirilgan bozor iqtisodiyotini barpo etish davrida ijtimoiy sohani davlat qo‘llab-quvvatlaydi. Shu bilan aholi turmush darajasi keskin pasayib ketishining oldi olinadi, turmush sifatining muttasil yaxshilanib borishi ta’minlanadi.

O‘zbekistonda har yili Davlat budjetining qariyb 60 foizi sog‘liqni saqlash, ta’lim, kommunal xo‘jalik va aholini ijtimoiy muhofaza qilish bilan bog‘liq boshqa sohalarni rivojlantirish uchun yo‘naltirilmoqda.

Ijtimoiy soha va xizmat ko‘rsatish tarmog‘ining rivojlanishi, infratuzilma, transport-kommunikatsiya sohasining takomillashuvi, yangi uy-joy obyektlari barpo etilishi, ish haqi va aholi daromadlarining izchil oshib borishi ijtimoiy taraqqiyotning asosiy yo‘nalishlaridir.