Тура акадан

ПОЛИКЛИНИКАДАГИ ТЕРИ-ТАНОСИЛ КАСАЛЛИКЛАРИ
ХОНАСИ ҲАҚИДАГИ НИЗОМ


1. УМУМИЙ ҚОИДАЛАР
1. Дерматовенерологик хона шаҳар ёки марказий туман поликлиникаси таркибида ташкил этилади ва унинг бириктирилган ҳудуддаги аҳолига барча турдаги дерматовенерология ёрдамини амбулатория шароитида кўрсатувчи таркибий бўлинмаси ҳисобланади.
2. Дерматовенерологик хона иши мазкур низомга, соғлиқни сақлаш бошқармасининг буйруқлари, йўриқномалари ва кўрсатмаларига, шунингдек амалдаги қонунчиликка мувофиқ олиб борилади.
3. Дерматовенерологик хона ишининг ташкил этилишини услубий бошқариш ва назорат қилишни вилоят тери-таносил касалликлар диспансери амалга оширади.

2. 
   ВАЗИФАЛАР
   

1. Бириктирилган ҳудуд аҳолисига малакали дерматовенеролог ёрдамини кўрсатиш.
2. Аҳоли гурухлари ўртасида, жумладан юқори синф ўқувчилари ва ёшлар орасида ЖЙБЮИни олдини олиш чораларини тарғиб қилиш ишларига матбуот, радио, телевидениядан фойдаланиб туман ва шахар тиббий ходимларини жалб қилади.

3. 
   ФАОЛИЯТИ
   

1. Маъмурият томонидан тасдиқланган жадвал бўйича амбулатория қабулини мунтазам олиб бориш;
2. Юқумли тери касалликлари ва ЖЙОЮИ билан касалланган беморларни поликлиникада қабул қилиш;
Алоҳида аҳоли гуруҳларини профилактик кўрикдан ўтказиш;
Бошқа даволаш-профилактика муассасаларида (акушер-гинекология, урология ва бошқа бўлимлар ва хоналарда) беморларга маслаҳат ёрдамини кўрсатиш .
3. Дерматовенерологик хона ДПМ бош шифокорининг кўмаги ва иштирокида қуйидагиларни амалга оширади:
- шифохонада даволанишга келган беморларнинг 100 фоизини захмга серологик текшириш (бунда экспресс-ташҳислаш учун танланган реакциядан фойдаланиш);
- психоневрологик, наркологик диспансерларда (бўлимларда, хоналарда) даво олаётган беморларни захмга текшириш, шулар орасида даволанаётган аёлларни эса бир вақтнинг ўзида ЖЙОЮИга ҳам текшириш;
- барча ҳомиладор аёлларни захмга 2 марта серологик текшириш;
- ишга қабул қилишда тиббий кўрикдан ўтишни ва ЎзР ССВнинг 2000й. 6 июндаги 300-сон буйруғи билан тасдиқланган тиббий кўрикларни ташкиллаштириш ва ўтказиш.
4. ЖЙОЮИ ва юқумли тери касалликлари билан касалланган беморларни диспансер назоратига олиш (Соғлиқни сақлаш вазирлигининг услубий тавсияларига мувофиқ).
5. Бошқа мутахассисликдаги шифокорларнинг йўлланмаси бўйича беморларга маслаҳат ёрдамини кўрсатиш.
6. ЖЙОЮИ билан касалланган беморлар ва улар билан алоқада бўлганларни, текширувга жалб этиш.
7. Беморларни, шунингдек ЖЙОЮИ ва юқумли тери касалларга алоқадор шахсларни текшириш ва даволашга жалб этиш.
8. Тери касалликлари ва ЖЙОЮИ билан касалланган беморларни текшириш, даволаш ва кузатиб туришда ворисликни таъминлаш; Тери-таносил касалликлар диспансери, СЭНББ, бошқа мутахассисликдаги шифокорлар билан мунтазам алоқани сақлаш.
9. ЖЙОЮИ, замбуруғли, юқумли тери касалликлари ва қўтир билан касалланган беморларни ЎзР ССВ йўриқномасига мувофиқ аниқ ҳисобга олиш.
10. Статистика материалларини ўз вақтида ишлаб чиқиш йўли билан бириктирилган ҳудудда тери касалликлари ва ЖЙОЮИ билан касалланиш таркибини ўрганиш.
11.Бириктирилган туман аҳолисига юқумли тери касалликлари ва ЖЙОЮИга қарши кураш тадбирлари режасини ишлаб чиқиш ва бунда ҳар бир ДПМ, ДПМ бўлимлари , тиббиёт ходимининг амалий аҳамияти ва иштирокини назарда тутиш.

4. 
   ЖАВОБГАРЛИК
   

1. Поликлиниканинг дерматовенерологик хонасига юклатилган вазифа ва функцияларнинг бажарилиши сифати ва муддатлари учун жавобгарлик мазкур Низом билан хона шифокори ва поликлиника бош шифокори зиммасига юклатилади.

Поликлиниканинг дерматовенерологик

хонаси ҳақидаги низомга
5.1. илова