Тура акадан

Вазир А.И.Икрамов

ЎзР Соғлиқни сақлаш вазирлигининг

2010 йил “31” 03 даги
99 сонли буйруғига
1-Илова
Дерматовенерология ва санитария-эпидемиология хизматларининг таносил ва юқумли тери касалликларини олдини олишга қаратилган ўзаро ҳамкорлиги таъсири ҳақида низом
1. Умумий ҳолат

Таносил ва юқумли тери касалликларининг тарқалишини олдини олиш мақсадида ўтказиладиган тадбирларнинг тезкорлиги, самарадорлиги кўп жиҳатдан тери-таносил хизмати ва давлат санитария-эпидемиология назорати муассасаларининг ҳамкорликда ишлашига боғлиқ бўлиб, уларни бажаришда ҳар бири ўз фаолиятига эга.

2.Тери-таносил хизматининг асосий вазифалари:

-Ижтимоий аҳамиятга эга бўлган жинсий йўл орқали юқадиган инфекциялар, юқумли тери касалликлари, сурункали, тез-тез қайталанувчи ва оғир кечувчи дерматозлар билан касалланган беморларни эрта аниқлаш ва даволаш.

-ЖЙОЮИга қарши кураш бўйича меъёрий ҳужжатларда кўрсатилган тадбирларни бажариш ҳамда ҳар чораклик ва йиллик иш таҳлилларини олиб бориш йўли билан даволаш, профилактик чоралар самарадорлигини аниқлаш, юқумли тери касалликлари ва жинсий йўл орқали юқадиган инфекцияларга қарши курашнинг аҳволи, уни яхшилаш чора-тадбирлари масалалари бўйича даволаш кенгашларини ўтказиш.
-Ёндош соҳа мутахассислари билан юқумли тери ва таносил касалликлари билан оғриган беморларга алоқадор шахсларни аниқлаш, текшириш бўйича ишларни ташкил қилиш ва олиб бориш.
-ЖЙОЮИни ташҳислаш ва даволашни олиб боришда, тажриба алмашиш (жумладан, ёндош соҳа мутахассислари билан) бўйича малака ошириш учун семинарлар ва конференциялар ташкил қилиш.
-Таносил ҳамда юқумли тери касалликларини аниқлаш учун серологик, бактериологик ва бошқа турдаги таҳлилларни олиб бораётган лабораторияларга, тадқиқотларни олиб бориш сифатини ошириш мақсадида, услубий ва амалий ёрдамни таъминлаш.
-Давлат санитария эпидемиология назорати ходимлари билан биргаликда дерматовенерологлар томонидан тиббий кўриклар ўтказилишининг сифати ва тўлиқлиги устидан назорат ўрнатиш.
-Давлат санитария эпидемиология назорати ходимлари билан биргаликда юқори контагиоз ва жинсий йўл орқали юқувчи инфекциялар ҳамда тери касалликларига қарши кураш масалалари бўйича қўшма конференциялар ва семинарлар ўтказиш.
-“Саломатлик” марказлари шифокорлари билан биргаликда оммавий ахборот воситалари орқали аҳоли ўртасида ЖЙОЮИ тарқалишини олдини олиш бўйича санитария-ташвиқот ишларини олиб бориш.
-Юқори ҳавф гуруҳидаги шахсларни текшириш ва даволашга жалб қилиш.