Тура акадан

ЖЙОЮИ, ДЕРМАТОМИКОЗ ВА ҚЎТИР БИЛАН КАСАЛЛАНГАН БЕМОРЛАРГА ТЕГИШЛИ БЎЛГАН ТИББИЙ ҲУЖЖАТЛАРНИ ЮРИТИШНИНГ АЛОҲИДА ТАРТИБИ ҲАҚИДАГИ ЙЎРИҚНОМА

(Ўзбекистон Республикаси макроиқтисодиёт ва статистика вазирлигининг 1999 йил 21 октябрдаги 12-сон қарори билан тасдиқланган ҳисобот шакллари (9-шакл))

Сир сақлаш мақсадида вақтинчалик меҳнатга яроқсизлик варақаларида, маълумотномалар ва ЖЙОЮИ, дерматомикоз ва қўтир билан касалланган беморларга тиббий бўлмаган муассасаларга кўрсатиш учун бериладиган бошқа ҳужжатларда, мижозларнинг истаги билан ташҳислар ҳар қандай қулай усулда шифрланади (масалан, МКБ 10 коди бўйича).

ЖЙОЮИ, дерматомикозлар ва қўтир касаллиги билан даволанаётган ёки илгари даволанган беморлар ҳақида ҳам, ушбу касалликлар бўйича текширувдан ўтганлик ҳақида ҳам ҳеч қандай ёзма ёки оғзаки маълумотномалар берилмайди, қонунда кўзда тутилган ҳолатлар бундан мустасно.
Муассаса бўйича буйруқ билан ЖЙОЮИ, дерматомикозлар ва қўтир билан касалланган беморлар ҳақидаги ахборотга эга бўлиши мумкин бўлган шахслар сони чекланади. Беморларни рўйхатга олиш журналларида, тиббиёт карталарида, фамилия билан бир қаторда, код ракамлари (масалан, тартиб рақамлари) кўрсатилади.
Давлат санитария-эпидемиология назорати органларига юбориладиган хабарномаларда, статистик талонларда, лаборатория таҳлилларига йўлланмаларда мижозлар фамилияси ўрнига уларнинг код рақамлар келтирилади.
Беморнинг шахси ҳақида маълумот олиш мумкин бўлган, шу жумладан архивларда сақланаётган ҳужжатлардан, фақат даволаш-профилактика муассасаси раҳбарининг ёзма рухсатномаси билан фойдаланиш мумкин.

ЎзР Соғлиқни сақлаш вазирлигининг

2010 йил “31” 03 даги
99 сонли буйруғига
12 –Илова
КЛАССИК ТАНОСИЛ КАСАЛЛИКЛАРИ БИЛАН КАСАЛЛАНГАН БЕМОРЛАРНИ КАСАЛХОНАГА ЁТҚИЗИШ БЎЙИЧА
ЙЎРИҚНОМА
Классик таносил касалликлари билан касалланган беморларга тиббий ёрдам кўрсатиш ҳудудий ихтисослашган тери-таносил касалликлари муассасаларида (бўлинмаларда, хоналарда) амалга оширилади.

Захмнинг юқумли шакллари, сўзак ва бошқа классик таносил касалликлари билан касалланган, доимий турар жойи бўлмаган шахслар шифохона шароитида даволанишлари лозим. Шифохоналарга ётқизишни ташҳис қўйилгандан сўнг 24 соат давомида ўтказилади.

Беморнинг ўзи учун ҳам, унинг фарзандлари ва атрофдагилар учун ҳам бевосита хавф туғдирадиган классик таносил касалликлари билан касалланган, даволанишдан бўйин товлаётган беморлар қонунчиликка мувофиқ мажбурий тартибда даволанадилар.

ЎзР Соғлиқни сақлаш вазирлигининг
2010 йил “31” 03 даги
99 сонли буйруғига
13-Илова