Тура акадан

ТУҒМА ЗАХМНИ ОЛДИНИ ОЛИШ БЎЙИЧА ЙЎРИҚНОМА


Туғма захмни олдини олиш учун ҳомиладорликнинг биринчи ярмида (ҳомиладорлик бўйича ҳисобга туриш учун акушер-гинекологнинг қабулига келганда) ҳамда иккинчи ярмида (22-28 ҳафтада) СРК (ёки МР ва ИФА)дан фойдаланган ҳолда ҳомиладор аёлларни серологик текширувдан ўтказиш тавсия этилади. Ҳомиладорларда СРК мусбат натижа берганда қон зардобини СРК, ОТИР ва ИФР ёрдамида қайтадан текшириш зарур.
Ушбу тестлар ҳам мусбат натижа берганда ҳомиладор аёл белгиланган ташҳисга мувофиқ шифохонага текширув ва даволанишга юборилади.
ОТИР ва ИФР манфий натижа берганда ҳомиладор аёлни туғруқ муддатигача ва туғруқдан кейин 3 ой давомида клиник-серологик назорат остига олиш ва ҳар ой СРК, ОТИР ва ИФР ёрдамида текширувдан ўтиб туриши лозим .
Фавқулодда ҳолатларда ОТИР ИФРда тадқиқотлар ўтказиш имконияти бўлмаганда:
1. Қуруқ зардобни верификация учун РИДваВИАТМга текширишга юборилади;
2. СРК ижобий чиққан ҳомиладор аёл иккинчи марта текширилади;
2.1. Икки марта текширилганда кескин мусбат натижа олинса, ҳомиладор аёл шифохонада текширувдан ўтиши ва зарур ҳолларда даволаниши лозим;
2.2. Такрорий текширувларда СРК заиф мусбат натижа берганда ҳомиладор аёл клиник-серологик кузатувга олинади;
Илгари захм билан касалланган ҳомиладор аёллар ҳисобдан чиқарилгунига қадар ҳар ҳомиладорлигида профилактик даволаш олиш лозим. Серологик реакциялар ҳомиладорлик бошлангунгача манфийлашса, ёки бемор ҳисобдан чиқарилса, профилактик даволаш олиб борилмайди.
Диспансер ҳисобидан чиқарилгандан кейин профилактик даволаш серорезистентлик ҳолат бўйича ҳомиладор аёлларда биринчи ҳомиладорликда ўтказилади.
Захмга қарши превентив даволанган аёллар ҳомиладорлик пайтида профилактик даволанмайдилар.


Киритилди
ДПЁББ Бошлиғи Д.Б.Миразимов
Келишилди:

Вазирнинг биринчи уринбосари А.В.Алимов

Вазирнинг ўринбосари Б.И.Ниёзматов
Вазирнинг ўринбосари М.Х.Ходжибеков
Вазирнинг ўринбосари А.И.Камилов
ОваБМКББ бошлиғи С.Х.Расулева
СЭНББ бошлиғи С.С. Саидалиев
ФваУЮББ бошлиғи Ш.Э. Атаханов
Юридик хизмати бошлиғи Б.Г.Хажиханов