Tuproqshunoslik va geografiya

Mundarija
Kirish……………………………………………………………………2
I.Bob Toponimlar va ularning ilmiy-amaliy ahamiyati
1.1. Toponomika fani va uning O’zbekistonda rivojlanishi ……………6
1.2. Geografiya ta’limida toponimika ………………………………….14
1.3. Buxoro viloyati toponimiyasi va uning hududiy xususiyatlari……22
II.Bob Vobkent tumani toponimlari va ularning geografik tahlili
2.1. Vobkent tumanining tabiiy- geografik tavsifi……………………..28
2.2. Vobkent toponimining etimologiyasi………………………………45
2.3. Vobkent tumani toponimlarining izohi ……………………………49
2.4. Vobkent tumani oykonimlarining tasniflanishi…………………….53
Xulosa va takliflar…………………………………………………..56
Foydalanilgan adabiyotlar ro’yxati…………………………………58
Ilovalar (rasm, chizma, jadvallar)………………………………….60

Kirish
Istiqlol xalqimizga o’zini anglash baxtini va milliy, madaniy adabiy va diniy qadriyatlarini tiklash, asriy an’analarga qayta jon bag’ishlash imkoniyatini yaratdi. Joy nomlari uzoq tarixiy davrning yodgorligi bo’lib xalqimiz tarixini, uning etnik tarkibini shuningdek aholi manzilgohlarining hududiy xususiyatlarini o’rganishda muhim manba hisoblanadi.
O’zbekiston Respublikasi Prezidenti Shavkat Mirziyoyevning “Tanqidiy tahlil, qat’iy tartib-intizom va shaxsiy javobgarlik-har bir rahbar faoliyatining kundalik qoidasi bo’lishi kerak” nomli ma’ruzalarida Mamlakatimizni 2016 yilda ijtimoiy-iqtisodiy rivojlantirishning asosiy yakunlari va 2017 yilga mo’ljallangan iqtisodiy dasturning eng muhim ustuvor yo’nalishlariga bag’ishlangan Vazirlar Mahkamasining kengaytirilgan majlisidagi ma’ruzasi o’rin olgan.
Chuqur tahlil va tanqidiy yondoshuvga asoslangan ushbu risolada “Xalq bilan muloqot va inson manfaatlari yili” Davlat dasturini amalga oshirish, aholining turmush darajasi va sifatini yaxshilash, jumladan, shahar va qishloqlarimizda arzon va qulay uy-joylar qurish, yo’l-transport, muhandislik-kommunikastiya va ijtimoiy infratuzilmalarni, maktabgacha ta’lim muassaslari tarmoqlarini rivojlantirish va modernizastiya qilish bo’yicha keng ko’lamli vazifalar alohida o’rin egallagan.
Men bitiruv malakaviy ishi mavzusini o’zim tug’ilib o’sgan joyim Vobkent tumani toponimlari va geografiyasiga oid ma’lumotlarni organib tahlil qilishni o’z oldimga maqsad qilib qo’ydim.
Geografik joy nomlari (toponimlar)ni o’rganish bugungi kunning eng zaruriy masalalaridan biri hisoblanadi. Sababi, har bir joy nomi shu hududning tabiatini, tarixini, madaniyatini, shu hududda yashovchi xalqlarning urf-odati va an’analarini o’zida aks ettiradi. Yurtimizda so’nggi yillarda geografik joy nomlarini o’rganishga katta e’tibor berilmoqda. Hukumatimizning geografik joy nomlarini o’rganishga qaratgan yuksak e’tiborini 2011 yil 12 oktyabrda qabul qilingan «Geografik ob’ektlarning nomlari to’g’risida»gi O’zbekiston Respublikasining Qonuni va unga muvofiq holda 2012 yil 16 oktyabrda tasdiqlangan geografik ob’ektlarning nomlari sohasidagi ishlarini tartibga solish chora-tadbirlari haqidagi O’zbekiston Respublikai Vazirlar Mahkamasining 295-sonli qarori misolida ko’rib turibmiz.
Joy nomlarini geografik tahlil etish ma’lum hududda yashagan aholining shug’ullangan kasb- koriga yoki boshqa bir o’ziga xos jihatlariga ko’ra alohida areallarni ajratishda katta ahamiyatga egadir.