Mitoxondrial genom. Zamburug‘larning mitoxondriylarida mitoxodriy mtDNK mavjud.U halqa shaklidagi DNK molekulasidan iborat bo‘lgan holda 20 dan 100000 gacha nukleoid juftliklardan iborat. Mitoxondrial DNK o‘zining oqsilini hamda nafas zanjirida ishtirok etadiganlarni (tsitoxromoksidaza va ATFazalar) sintezlay-digan genlarga ega.
Plazmidlar va viruslar. Zamburug‘larning genomida plazmid-lar va viruslar ham bor. Ular yadro, mitoxodriy yokisitoplazmada bo‘lib zamburug‘larning fenotip belgilariga ta’sir qiladi. Viruslar-ning bo‘lishi (zamburug‘lardagi viruslarning hammasi hujayraviy organizmlardan farqlanib qo‘sh zanjir molekulali RNK ega) mitselliy va meva tanalarda o‘simlikni zararlash xususiyatlarini va boshqa belgilarini yo‘qotadi.
Vegetativ mos emaslik. Tabiiy sharoitdan olingan zamburug‘-larning shtamlari laboratoriyada o‘stirilganda ularning gifalari o‘zaro qo‘shilmaydi yoki qo‘shilgandan keyin o‘lib qoladi. Bunday holat geterokarinlik, yoki vegetativ moskemaslik nomini olgan. Vegetativ mos emaslikni maxsus guruh genlar boshqaradi. Vegetativ mos emaslik zamburug‘ shtamlarini anastomozlar orqali plazmidlar va viruslar bilan zararlanishidan himoya qiladi deb taxminlanadi.
Zamburug‘larning oziqlanishi. Zamburug‘larning oziqlanishi o‘simliklar hisobiga amalga oshadi. SHu boisdan ularda tirik o‘simliklar va ularning qoldiqlaridagi polisaxaridlarni parchalay-digan faol fermentlar bo‘ladi. Ular qatoriga pektinni gidrolizlovchi pektinazalar, gemitsellilozani parchalovchi ksilanazalar, sello-biozalar vasellyulazala, amilazalar mavjud. O‘simlik hujayrasida selyulazadan keyin ligin ko‘p. Ligin o‘simlikning eng mustaxkam polimeri, faqat zamburug‘lar (asosan daraxt tanasini emiruvchi po‘kaklar) liginni parchalaydigan lignazaga ega. Tekinxo‘r zam-burug‘larning ko‘pchiligi o‘simlik epidermisini qoplagan mum, kutinni gidrolizlaydigan kutinazaga ega. Odamlar va hayvonlar terisi, soch, patdagi keratin oqsilini parchalaydigan fermentlar tutadi.
Fermentlar ta’sirida gidrolizlangan moddalar hujayraga uch yo‘l bilan tushadi:
1. Turgor bosim ta’sirida erigan holda nasos kabi so‘rilib.
2. Moddaning kontsentratsiyasini farqi bilan faolsiz holda.
3. Maxsus oqsil molekulalari - tashuvchilar yordamida.