Palmaria yassiyaproq qo‘rinishidagi tallomga ega. Tallom qirrasi bo‘ylab va yuzasida porlifikatsiya hosil bo‘ladi. YAssiyaproq shaklidagi erkak gametofitlar tetrasporofitlar bilan o‘xshash ko‘rinishda. Ular disk shaklidagi kichkina urg‘ochi individlarda hosil bo‘ladi. Toshlarga birikkan holda litoralni quyi va sublitiralni yuqorisida tarqalgan.
Anfeltsiyalar – Ahnfeltiophycidae kenja sinfi
Anfeltsiyalar – Ahnfeltiales tartibi
Ahnfeltia turkumiga mansub turlarni g‘o‘rashasimon tallomi odatda anchagina dixotomik shoxlangan, yon shoxchali. Substratga tovon qismi yoki rizoidsimon shoxcha yordamida birikadi.
Tarmoqlangan iplarning uchidagi urg‘ochi soruslarda karpogonlar hosil bo‘ladi. Ularning borligi maxsuslashmagan vegetativ hujayralar bilan qo‘shiladi. Urug‘langan karpogondan gonimoblastlar yuzaga keladi. Karposporalar unganidan keyin po‘stloqsimon tetrasporafit hosil bo‘ladi.
Anfeltsiya shimoliy va uzoq sharqdagi dengizlarda litoral va sublitoralda toshli, qumli joylarda tarqalgan. Bu suvo‘tning tarki-bidagi agar moddasining miqdori quruq massa hisobiga 12,6 dan 32,6% gacha boradi. Oq dengizda uni sanoat asosida ko‘paytiriladi.
Rodimeniofitsidalar – Rhodymeniophycidae kenja sinfi
Kenja sinf uch bosqichli hayotiy davrani o‘taydigan qizil suvo‘tlarni o‘z ichiga oladi. Karposporafit bevosita karpogondan yoki auksillar hujayra bilan qo‘shilganidan keyin rivojlanadi. Kenja sinf 8 ta tartibga bo‘linadi. Ulardan muhimlari bilan tanishamiz.
Gratsilyariyalar – Gracilartales tartibi
Bu tartibga mansub vakillarda tallomi bir o‘zakli, apikal o‘sadi. Spermatsiylar kontseptakullarda shakllanadi. Karposporafit bevosita karpogon hujayradan rivojlanadi,sistokarplari bor. Rivojlanishida izomorf gallanish ro‘y beradi.
Gracilaria turkumida tallomisilindr, yassi yoki yassiyaproq shaklida, dixotomik yoki bir tartibda bo‘lmagan holda tarmoqlangan, birikib o‘sadi.
SHoxlari bazan kichkina o‘simtali. Naslni navbatlanishi ro‘y beradi gametofit va sporafit bir xil tuzilishga ega.
Litoral va sublitaralda tarqalgan, ayrimlari istemol qilinadi. Bu turkumning suvo‘tlari agar moddasini ishlab chiqarishda dunyo bo‘ylab eng ko‘p qo‘llaniladi. Undagi agar moddasining miqdori quruq massa hisobiga 20-32% gacha boradi.
Gigartinalar – Gigartinales tartibi
Tartibga mansub vakillarning tallomini shakli turlicha ko‘rinishlarda, bir o‘zakli yoki ko‘po‘zakli. Tetrasporangiylari qo‘shuv alomatli. Auksillyar hujayralar karpogon urug‘languncha shakllanadi. Karpogon shoxcha malum darajada tabaqalashgan. Hayotiy davrasida gaplodiplobiont izomorf yoki geteromorf almashinuv ro‘y beradi.
Dimontia turkumining vakillarida tallom 20-60 sm uzunlikgacha, naysimon yoki bosilganday, tartibsiz shoxlangan, kichkina poyachali, tovon qismi bilan birikadi. Hayotiy davrasi izomorf tarzda rivojlanish bilan o‘tadi. Tallomi ikki yillik, bir yillik. Dengiz qirg‘oqlarini sayozliklarida tarqalgan.
Do'stlaringiz bilan baham: |