Trenerga qo‘yiladigan umumiy talablar

Trener har qanday vaziyatda quyidagilarga amal qilishi kerak
• Mavzu doirasidan chetga chiqmaslik, muhokama etilayotgan mavzularga nisbatan o'z fikrini bildirish va mashg'ulot so'ngida albatta xulosa yasashi shart.
• Trener har bir ishtirokchini eshitishi, sust ishtirokchilarni faollashtinshi va faol qatnashayotgan ishtirokchilarni rag'batlantirishi shart.
• Trener iloji boricha ishtirokchilarni yaqindan bilishi, ishni yaxshi tashkil qilishi, guruhda do'stona muhitni tashkil qilishi, ziddiyatli holatlarga yo'l qo'ymaslikka harakat qilishi kerak.
Trenerda fikr almashish malakasi juda yaxshi rivojlangan bo'lishi kerak. Bu malakani egallash quyidagilarni talab etadi: diqqat bilan eshitish; eshitib bo’lgach о’z fikrini bildirish; o'z hissiyotlarini va kechinmalarini bildirish.
Shuningdek, trener tinglash malakasiga ham ega bo'lishi lozim, tinglash malakasining asosi quyidagilardan iborat:
- gapirayotgan kishiga qarash, imkoni bo'lsa ko'zlariga boqib turish;
- gapirayotgan kishining so'zini bo'lmaslik;
- atrofdagi ta’sirlarga chalg'imaslik;
- iloji boricha tinchlik saqlashga harakat qilish;
- guruhda ish jarayonida yuzaga keluvchi muammoli vaziyatlarni hal etishga tayyor bo'lishi kerak.
Trenerning imidji
Trenerning mashg'ulotni qanday olib borishidan tashqari uning o'zi ham ishtirokchilarga juda katta ta’sir ko'rsatadiki, bunda asosan ikki narsaga e’tibor qaratiladi:
1. Trenerning kiyinishi (imidji).
2.Trenerning hatti-harakatlari, qiliqlari, odatlari. Teatr garderobdan boshlangani kabi trening mashg'uloti ham trenerning tashqi ko’rinishi, kiyinishi bilan bog'liqdir. Buni qanday tushunish mumkin?
Trenerning kiyinishi guruhda u haqdagi dastlabki tasavvurning ijobiy yoki salbiy bo’lishiga, guruh uni qabul qilishi yoki qabul qilmasligiga olib kelishi mumkinki, bu holat trening jarayoniga ham, albatta, o'z ta’sirini ko'rsatishi tabiiy.
Imidj - bu atrofdagilar shaxsni qanday qabul qilishi, qanday ko'ra olishidir. Shu о’rinda bir misol keltirib o'tamizki, trenerning kiyinishi qanchalik muhim ekanligini bu misoldan keyin osongina tushunib olish mumkin. Faraz qiling qanaqadir fimia yoki davlat muassasiga ishga taklifni o'qigan ikki kishi o'sha joyga bordi. Ularning bin - kostyum-shimda, oq ko'ylak, galstuk, qo'lida portfel bilan kelsa, ikkinchisi egmda futbolka, oyog'ida krassovka, orqasiga ryukzak osib olgan.
Bunday holatda birinchi odam atrofdagilarda haqiqiy mutaxassis taassurotini beradi, vaholanki, orasida birinchi odam ikkinchisiga nisbatan katta tajriba va bilimga ega bo'lishi mumkin. Lekin ularning kiyinishi, tashqi ko'rinishi, imidji kishida qarama-qarshi tasavvurlarni uyg'otadi. Shundan kelib chiqqan holda, trenerning kiyinishi ham o'ziga xos va vaziyatga mos bo'lishi talab etiladi.
Trener avvalo trening qanaqa guruh uchun mo'ljallanganligini e’tiborga olishi zarur. Lekin imkon darajasida treningga ishchi formada kelish lozim. Bu kiyim avvalo mintalitet xususiyatlariga mos kelishi, shuningdek trenerning o'zi uchun ham qulay va harakatlanishga mos bo'lishi lozim.
Trenerning bezaklari ham tahlil qilinishga loyiq. Trener uchun haddan ortiq bezaklar bilan bezanish maqsadga muvofiq emas. Jumladan, u qaysi jins vakili bo‘lishidan qat’iy nazar ishtirokchilarning diqqatini jalb qiluvchi taqinchoqlar, bezaklar taqishi maqsadga muvofiq emas.