Transformatorlar Transformator

Mustaqil yechish uchun masalalar

7.43. Sinxron generator rotori nominal aylanish tezligi n_2n=750 ayl/min va f=50 gs chastotaga mo‘ljallangan. Agar birlamchi dvigatelning tezligi, generator rotorining nominal aylanish tezligiga mos kelmasa, generator tokining chastotasi qanday o‘zgaradi? Masala birlamchi dvigatel tezligining ikki xil qiymati uchun yechilsin:

1. n₁=1000 ayl/min, (n₁ n_n)

2. n₂=500 ayl/min, (n₂ n_n)

7.44. Chastotasi f=50 gs bo‘lgan tarmoqqa ulangan olti qutbli sinxron generatorining rotori n_1n=1000 ayl/min. nominal tezlik bilan aylanmoqda. Nominal aylanish tezligi n_2n=500 ayl/min. ga teng bo‘lgan 12 qutbli, boshqa generatorni parallel ishlash uchun tarmoqqa ulash mumkinmi?

7.45. Sinxron generatorning texnik xarakteristikalari: S_nom=30 kVA n_nom=1900 ayl/min., validagi quvvat P_mx=35kVt(cosφ=1da); P_mx=28,5(cosφ=0,8 da); U_nom=400V; f=50Gs. Quyidagilarni: qutb juftlari soni r , nominal tok I_nom, generatorning FIK ŋ cosφ=1 va cosφ=0,8 bo‘lganda valdagi aylantiruvchi moment M larni aniqlang. Texnik xarakteristikalari quyidagicha bo‘lsin: generator uchun ushbu masala shartiga ko‘ra hisoblashlarni bajaring: S_nom=60kVA, n=1000ayl/min, U_nom=400V, R_mx=64,9kVt(cosφ=1da), R_mx=53,5kVt(cosφ=0,8 da).

7.46. Sinxron elektr dvigatel uchun quyidagilarni aniqlang: qutb juftlari soni r, qismalaridagi aktiv quvvat R_e, tok va momentning nominal qiymatlari I_nom, M_nom, ishga tushirish xarakteristikalari: tok I_i.t, moment (asinxron ishga tushirishda) M_i.t, maksimal moment M_max; nominal yuklamadagi isroflar quvvati ΔP, reaktiv quvvat Q. Quyidagi texnik xarakteristikalar berilgan: P_nom=600 kVt, U_nom=300V, n_nom=600ayl/min, ŋ_nom=92,2%, cosφ=0,66 (ilgarilab ketuvchi tokda), k_i.t=I_i.t / I_nom=5,4; k_i.t=M_i.t/M_nom=1,7; k_max=M_max/M_nom=2,8. Texnik xarakteristikalari quyidagicha bo‘lgan asinxron elektr dvigatel uchun xuddi shunga o‘xshash hisoblashlarni bajaring: P_nom=575kVt, U_nom=6000V, n_nom=1000ayl/min, ŋ_nom=93%, cosφ=0,8, k_i.t=I_i.t/I_nom=5, k_i.t=M_i.t/M_nom=1,4; k_max=M_max/M_nom=2,3.

7.47. Quyidagi ma’lumotlar asosida oddiy ikki qatlamli sirtmoqsimon cho‘lg‘amning yoyiq sxemasini tuzing: qutb juftlari soni r=2, yakor o‘zagidagi o‘yiqlar soni z=16.

7.48. Quyidagilar ma’lum bo‘lganda oddiy ikki qatlamli to‘lqinsimon cho‘lg‘amning yoyiq sxemasini chizing : p=1, z=13.