Тошкент вилояти, Қуйичирчқ туман прокуратураси Мавзу

Ўзбекистонда жиноий даромадарни легаллаштириш ва терроризмга қарши курашиш тизимини такомиллаштириш
Ўзбекистон Республикасининг жаҳон иқтисодиётига интеграциялашуви Жиноий фаоилятдан олинган даромадларни легаллаштиришга қарши курашиш миллий тизимини такомиллаштириш борасидаги саъй-ҳаракатлар билан бевосита боғлиқдир. Сўнгги йилларда аҳолининг турмуш сифатини тубдан яхшилашга қаратилган бунёдкорлик ишлари жадал суръатлар билан олиб борилмоқда. Бизнес юритишнинг ҳуқуқий асослари мустаҳкамланмоқда ва институциявий механизмлари такомиллаштирилмоқда, мамлакатнинг инвестициявий жозибадорлигини ошириш чоралари кўрилмоқда.
Шу билан бирга, буджет маблағларини талон-торож қилиш ва улардан мақсадсиз фойдаланиш ҳолатлари сақланиб қолмоқда, бу эса олиб борилаётган кенг кўламли ислоҳотларнинг самарадорлигига салбий таъсир кўрсатмоқда.
Бозор муносабатларининг бугунги ривожи ҳамда инсофли тадбиркорлик субектларини ҳимоя қилиш зарурати иқтисодий жиноятларга қарши курашиш, “хуфёна иқтисодиёт”нинг шаклланиш механизмларини, чет эл валютасининг назоратсиз чиқиб кетиш каналларини ўз вақтида аниқлашнинг шакл ва усулларини тубдан қайта кўриб чиқишни, шунингдек, импортни оптималлаштириш ва миллий товарлар экспортини рағбатлантириш бўйича тизимли ишларни кучайтиришни ҳам талаб этмоқда. Ушбу жараёнларда жиноий фаолиятдан олинган даромадларни легаллаштиришга қаратилган чора тадбирлар 2004 йилда қабул қилинган Ўзбекистон Республикасининг Қонуни "Жиноий йўл билан олинган даромадларни легаллаштиришга ва терроризмни молиялаштиришга қарши курашиш тўғрисида " ги № 660-ИИ сонли қарор билан бошланди. Ушбу Қонуннинг асосий мақсади жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролларини тарқатишни молиялаштиришга қарши курашиш соҳасидаги мун
осабатларни тартибга солишдан иборат.
Унда келтирилишича:
Жиноий фаолиятдан олинган даромадларни легаллаштириш — пул маблағлари ёки бошқа мол-мулк жиноий фаолият натижасида топилган бўлса, уларни ўтказиш, мулкка айлантириш ёхуд алмаштириш йўли билан уларнинг келиб чиқишига қонуний тус беришдан, худди шунингдек бундай пул маблағларининг ёки бошқа мол-мулкнинг асл хусусиятини, манбаини, турган жойини, тасарруф этиш, кўчириш усулини, пул маблағларига ёки бошқа мол-мулкка бўлган ҳақиқий эгалик ҳуқуқларини ёки уларнинг кимга қарашлилигини яширишдан ёхуд сир сақлашдан иборат бўлган, жиноий жазоланадиган ижтимоий хавфли қилмиш;