Тошкент вилояти чирчиқ давлат педагогика институти рамонова Садокат Қомиловна

Учинчи камчилик бўйича расм рангли олинган, аммо кўрсатилган расмлар оқ қора рангда чоп этилган хира кўринишда бўлиб қолган.
Тўртинчидан, матнда айрим стилистик хатолар борлиги айтилган.
Тўртинчи камчиликни келгуси ишларимизда таҳрири ишларига алоҳида эътиборимизни қаратамиз.
РАИС: Эркин Бердиевич талабгорни жавоби қониқарлими?
П.ф.ф.д.(PhD)ХУЖАНОВ Э.Б.: Қониқарли.
РАИС: Раҳмат. Ҳурматли илмий кенгаш аъзолари! Расмий муҳокама тугади. Норасмий муҳокамага ўтамиз. Муҳокамада меҳмонлар ҳам қатнашишлари мумкин. Бугунги муҳокама қилинаётган диссертация иши бўйича кимда қандай фикрлар-мулоҳазалар бор? Сўз – кенгаш аъзоси, педагогика фанлар доктори, профессор Эрназарова Гулнора Облақуловнага берилади. Марҳамат.
П.ф.д., доцент ЭРНАЗАРОВА Г.О.: Ҳурматли кенгаш аъзолари! Номзодлик диссертация ишим электротехника билан боғлиқ. Диссертация ишининг илмий семинардаги муҳокамасида ҳам онлайн қатнашган эдим. Мазкур иш билан анча танишман, бу билан нима демоқчиман, электротехника фани нафақат физика, кибернетика, ахборот-технологиялар бир неча фанлар асоси бўлиб хизмат қиладиган фан ҳисобланади. Бугунги кунда ҳарбий олий таълим муассасаларида мутахассислар тайёрлашда ҳам фундаментал тарзда кўп таъсир қилади. Техника технология, энергетика ва автоматиканинг асоси сифатида хизмат қиладиган фан.
Шу нуқтаи назардан бу фанни ўқитишни ривожлантириш долзарб ҳисобланади. Тақризчиларни фикрларини эшитдик, етакчи ташкилот тақризи ва авторефератга келган тақризлар берилган жавоблардан ушбу диссертация ишини қанчалик долзарблигидан далолат беради. Бугун диссертантимизни тайёр эканлиги яққол кўзга ташланиб турибди. Шахсан мазкур диссертация иши бўйича ижобий фикрдаман ва ижобий баҳолайман. Барча кенгаш аъзоларини ҳам бугунги диссертантимизни қўллаб-қувватлашга чақириб қоламан.
РАИС: Раҳмат. Онлайн иштирок этувчи кенгаш аъзоларидан фикр билдирувчилар борми? Сўз – кенгаш аъзоси, педагогика фанлар доктори, профессор физика-математика фанлари доктори(DSc), доцент Турсунов Икромжон Ғуломжоновичга берилади.