Тошкент вилояти чирчиқ давлат педагогика институти рамонова Садокат Қомиловна

РАИС: Тақризлар бўйича илмий котибга саволлар борми?
Кенгаш аъзолари: Савол йўқ.
РАИС: Раҳмат, маълумот учун қабул қиламиз. Етакчи ташкилот тақризи ҳамда автореферат ва диссертацияга келган тақризларга жавоб бериш учун сўз талабгорга берилади, марҳамат.
РАМОНОВА С.К.: Ўзбекистон миллий университети раҳбарияти ва жамоасига диссертация ишимни таҳлил қилиб ўзларини фикр ва мулоҳазаларини берганликлари учун миннатдорчилик билдираман.
Тақризчимиз Комил Ахмадовичдан келган эътирозлари бўйича авторефератда келтирилган А.С. Касаткин, В.В.Афонин, С.А.Борминский ишлари диссертация ишида таҳлил қилинмаганлиги таъкидланган.
Биринчи эътироз бўйича диссертация ишимизда айнан ушбу педагог олимларимизнинг амалий машғулотлар бўйича дидактик таълимотлар яратилганлиги, улардан фойдаланганлигимиз ва диссертация ишимизнинг келтирилган амалий машғулотлар жадвалларни ичида ҳавола қилиб кетганмиз. Алоҳида тўхталиб ўтмаганмиз.
Иккинчи эътирозлари электротехниканинг асосий “электр двигатели, электр генератори” каби мавзулари диссертация ишида шарҳланмаганлиги қайд этилган.
Иккинчи эътироз бўйича айнан диссертация ишида ахборот коммуникация технологиялари бўйича айнан қайси машғулотларни амалга оширганимиз ёритиб ўтилганлигини инобатга оладиган бўлсак, “электр двигатели, электр генератори” бўйича ахборот коммуникация технологияларидан фойдаланмаганлигимиз сабабли, бу мавзулар диссертация ишимизни қамраб олмаган.
Кейинги эътирозда матнларда айрим стилистик хатолар учраши айтилган.
Учинчи эътирозлари жуда ҳам ўринли, бу хатоларни келгуси ишларимизда инобатга оламиз.
Иккинчи тақризчимиз педагогика фанлари доктори, профессор М.Қурбонов томонидан берилган.
Биринчидан, диссертация ишининг биринчи бобида тадқиқот ишининг методологик асоси кам ёритилганлиги таъкидланган.
Биринчи эътироз бўйича тадқиқот ишининг методологик асоси диссертациямизнинг иккинчи боби 2.1 параграфида кўпроқ I-бобда ёритилганлиги билан изоҳлаймиз.
Иккинчи эътироз диссертация авторефератининг 13-бетида моделни изоҳлашда охирги абзацида АКТ компетентлигини ривожлантириш деб ёзилган. Моделда эса АКТ компетенцияларни шакллантиришга урғу берилган қайд этилган.