Тошкент вилояти чирчиқ давлат педагогика институти рамонова Садокат Қомиловна

РАМОНОВА С.К.: (Слайдлар асосида илмий маъруза қилинди.)
РАИС: Раҳмат. Диссертант диссертацияни мазмун моҳияти бўйича маърузани якунлади. Муҳокамага ўтамиз. Талабгорга мавзу доирасида саволлар бўладиган бўлса марҳамат. Педагогика фанлари доктори, доцент Ҳимматалиев Дўстназар Омонович
П.ф.д., доцент ҲИММАТАЛИЕВ Д.О.: Тадқиқотчи Рамонова Садоқат Қомиловнани иши билан танишдик. Автореферат билан танишиш жараёнида ҳам иккита савол туғилди. Сиз томонингиздан ишлаб чиқилган моделда сиз такомиллаштирган элементлари қаерда? Қайси компонентда жойлашган? – бу биринчи савол.
Иккинчи савол тажриба синов ишларини олиб борганингизда паст, ўрта, юқори даражаларда баҳолагансиз. Қониқарли, яхши ва аъло баҳоларни беряпсиз. Бу ерда қониқарсиз баҳо бўлмаганми?
РАМОНОВА С.К.: Биринчи саволингиз бўйича жавоб берадиган бўлсам, курсантларнинг ахборот-коммуникация технологияларидан фойдаланиш компетентлигини шакллантириш моделида айнан мана шу моделни, умуман моделлар тўғри, шу пайтгача бир қанча олимларимиз томонидан диссертация ишлари ёзилган. Улар томонидан моделлар яратилган. Айнан моделимизнинг бошқа моделдан ажралиб турадиган элементларига биринчи навбатда синергетик ёндашувни олишимиз мумкин. Синергетик ёндашувда занжирда кечаётган жараёнлар ёки бўлмаса микроэлектроника элементлар ўз-ўзидан бошқа жараёнларни яъни ўша бирдан қарор қабул қилиш шароитлари туғилиб қолганда, синергетик ёндашувга албатта мурожаат қиламиз. Олий ҳарбий таълим муассасаларида ҳозир янгидан янги ҳарбий қуроллар, ҳарбий қуролларни ичида биламизки, элементлари ўзгариб туради. Албатта ҳарбий қуролларимизни юраги бу микроэлектроника бўлмаса, қурол у ёқда турсин, ҳеч қандай асбоб ишламайди десак муболаға бўлмайди. Микроэлектроника элементлари бўйича мана шу синергетик ёндашувни қўллаганимиз, бошқа элементлардан фарқли равишда шуни айтишимиз мумкин.
Иккинчи саволингизга келсак, тажриба-синов ишларида баҳолаш даражаларида демак, паст, ўрта ва юқори даражалар олганмиз. Бу ўзи мудофаа вазирлиги тасарруфидаги олий ҳарбий таълим муассасаларига ўқишга киришнинг ўзи бир машаққат. Кетма-кет, кетма-кет улар танловлардан ўтиб ўқишга қабул қилинади. Айнан ўзимиз, ушбу фанни ўқитиш мобайнида уларнинг масалан олий ҳарбий таълим муассасасидан четлаштирилган курсант ҳеч қандай олий таълим муассасасига ўқишини тиклай олмаслигини ўзи изоҳлаб беради. “2” баҳо олиш мумкин эмас. Шу аснода ундан ташқари энг катта элеменларига эътибор қаратганимиз, олий ҳарбий таълим муассасаларини фуқаролик олий таълим муассасаларидан афзаллик томони десак ҳам адашмаймиз, дарсдан кейин соат 15:00дан соат 18:00гача уларни мустақил тайёргарлиги бўлади. Шу тайёргарликда улар лойиҳа ва тадқиқот ишларини амалга оширишади.