Toshkent tibbiyot akademiyasi huzuridagi harbiy-tibbiyot fakulteti

3.3.Mudofaadagi dushman ustiga ichkaridan harakatlanib hujum qilish 
Motoo‟qchi batalyonning hujumga o„tish marrasiga chiqishi belgilangan 
vaqtda yoki katta komandirning (boshliqning) komandasiga (signaliga) binoan 
boshlanadi va maksimal tezlikda amalga oshiriladi.
Hujumga o„tish marrasiga chiqish vaqtida motoo‟qchi batalyon (vzvod) 
kolonnalarining tuzilishi uning jang oldi va jangovar tartibga tezlik bilan tizilishini 
ta'minlashi kerak. Shu maqsadda vzvodlar motoo‟qchi batalyon kolonnasida 
kuchaytirish vositalari bilan birga harakatlanadi. Vzvod kolonnalariga tizilish 
marrasidan (punktidan) ular o„z yo„nalishlariga chiqadi.
Desant tariqasida tanklarga chiqarish joyiga yetib kelishi bilan 
avtomobillardagi motoo„qchi bo„linmalar va tankchi bo„linmalar to„xtaydi hamda 
motoo„qchilar tezda tanklarga o„tib oladi. Shundan so„ng tanklar desant bilan 
birgalikda hujumga o„tish marrasiga chiqib boradi, motoo„qchi vzvodlarning 
avtomobillari esa belgilangan yig„in joylarida jamlanadi.

---

159 
Razvedka guruhi, agar u oldingi chiziqdagi dushmanni razvedka qilish uchun 
oldindan yuborilmagan bo„lsa, motoo‟qchi batalyon kolonnasining oldida yurib, 
harakatlanish yo„nalishining razvedkasini olib boradi. O„z qo„shinlarining oldingi 
chizig„iga chiqishi bilan guruh hujum davomida razvedkani olib borishga shay 
holatda unga ko„rsatilgan sektorda dushmanning razvedkasini amalga oshiradi.
Shtatdagi va qo„shimcha berilgan zenit bo„linmalari, odatda, motoo‟qchi 
batalyon kolonnasida tarqoq holda harakatlanadi.
Hujumga o„tish marrasiga chiqib kelish vaqtida barcha bo„linmalar 
komandir tomonidan o„rnatilgan dushmanning o„ta aniq quroli vositalarining 
ta'siridan himoyalanish bo„yicha choralarga, shu jumladan yorug„lik, ovoz va 
radioniqoblanishga qat'iy rioya etishlari kerak.
Hujumga o„tish marrasi tomon harakatlanish vaqtida dushman tomonidan 
yopirilma (jamlangan) olovli zarbalar berilgan holatda jangovar qobiliyatni saqlab 
qolgan bo„linmalar tezlik bilan shikast yetkazish hududidan chiqadi va qo„yilgan 
vazifani bajarishda davom etadi.
Jangovar qobiliyatini yo„qotgan bo„linmalarni almashtirish uchun 
motoo‟qchi batalyon komandiri ikkinchi eshelondan (rezervdan) foydalanadi.
Dushmanning masofaviy minalash vositalari bilan o„rnatilgan mina 
maydonlari, chiqib kelish vaqtida katta komandirning harakatlanishni ta'minlash 
otryadlari 
yoki 
motoo‟qchi 
batalyonning muhandislik-sapyor seksiyasi, 
shuningdek, vzvodlarning minalarni zararsizlantiruvchi shtatdan tashqari guruhlari 
tomonidan ochilgan yo„llar bo„yicha yengib o„tiladi.
Dushman tomon yondiruvchi quroldan foydalangan vaqtda bo„linmalar 
tezlik bilan yong„in hududidan chiqib, texnika va qurol-aslaha vositasida yong„in 
o„choqlarini o„chiradi hamda qo„yilgan vazifani bajarishda davom etadi.