Toshkent tibbiyot akademiyasi ergashev u. Y. Xirurgik kasalliklar

Badan terisini tayyorlash. 
Operatsiyaga tayyorgarlik davrida badan terisini 
yaxshilab ko‘rish zarur. Operatsiya qilinadigan joyda yoki unga yaqinroqda 
yallig‘lanish (yiringli) kasalliklari bo‘lsa, u holda jarrohlik yo‘li bilan davolashni 
(agar u hayotiy ma’lumotlar bo‘yicha amalga oshirilmasa) qoldirish lozim. 
Ma’lumki, yallig‘lanish kasalliklari boshdan kechirilgach, infeksiya lifma 
tugunlarida hali saqlanib qolgan bo‘ladi; operatsiyadan keyingi davrda u operatsiya 
keyingi jarohat sohasida asorat yoki sepsis keltirib chiqarishi mumkin. Bunday 
hollarda shoshilinch operatsiyalar antibiotiklar yordamida amalga oshiriladi. Rejali 
operatsiyalarni esa, hatto o‘tkir yallig‘lanish to‘g‘risida aniq dalil bo‘lmagan, biroq 
bemorning harorati ko‘tarilgach (37 gradusdan yuqori) va eritrotsitlarning cho‘kish 
tezligi (ECHT) organi aniqlangan hollarda qoldiriladi.
Operatsiyadan bir kun avval bemor vanna qabul qilishi, ich kiyimlarni 
almashtirishi kerak. Og‘ir kasallarga vanna qabul qilishga ruxsat etilmaydi, shu 
sababli bunday kasallar badani ho‘l sochiq bilan artiladi. Hayotiy ko‘rsatmalar 
(o‘tkir qon ketishi, asfiksiya) bo‘yicha operatsiya qilish zaruriyati tug‘ilgan 
hollarda ham vanna qabul qilinmaydi.
Operatsiya kuni ertalab operatsiya qilinadigan joy operatsiyaga tayyorlanadi 
– qaytadan sovunlab yuviladi, teri o‘tkir ustarada qirilib, jundan tozalanadi. 
Kesilishi mo‘ljallanayotgan joydagi tuklar iloji boricha kengrok joydan olib 
tashlanadi, chunki operatsiya choyshabining (ichki kiyimning) u yoqdan bu yoqqa 
surilishi natijasida boshqa junlardagi mikroblar jarohatga tushishi mumkin. Bemor 
operatsiyaga borishidan 30 daqiqa oldin primedikatsiya qilinadi va katalka 
(g‘ildarakli stul) da operatsiya xonasiga olib boriladi. Hamshira bemor bilan 
operatsiya vaqtida zarur bo‘lishi mumkin bo‘lgan barcha xujjatlarni (kasallik tarixi, 
rentgen plyonka va boshq.) va operatsiya hajmidan kelib chiqgan holda katta 
operatsiyalarda bemorga operatsiya vaqtida qon quyish zarur bo‘lib qolsa, bemorga 
mos donor qoni borligini nazorat qilishi kerak.

---

64