Toshkent tibbiyot akademiyasi ergashev u. Y. Xirurgik kasalliklar

Spassokukotskiy-Kochergin usuli (1928 y) - 
bugungi kunda ham 
qo‘llaniladi, chunki bu usul bilan tozalangan teri ta’sirlanishini, qo‘l terisining 
buzilmasligi va o‘z elastikligini saqlab qolishida yaxshidir.
I bosqich – avvaliga, qo‘l kran ostida iliq suvda yuviladi «tramvay kiri» yuvib 
tashlanadi (Spasokukotskiy so‘zi).
II bosqich – 2 ta tog‘orada 3 daqiqadan 0,5% li novshadil spirtida yuviladi. 
Nashatir spirti yog‘larni eritib, teri teshiklariga chuqur kirib boradi va bu bilan 
mikroorganizmlarning chiqishiga erishiladi. Tog‘oralarga eritma quyilishidan oldin 
u spirt bilan kuydiriladi. Qo‘lqop kiygandan so‘ng qo‘llar operatsiya qilishga 
tayyor bo‘ladi.
III bosqich – qo‘llar steril sochiq bilan quruq artiladi.
IV bosqich – 96 
o
S li spirt bilan yaxshilab ho‘llangan doka yoki salfetka bilan 
artiladi.
Yuqorida sanab o‘tgan Fyurbringer, Alfeld va Spassokukotskiy-Kochergin 
usullari tarixiy ahamiyatga ega bo‘lib, hozirda qo‘llanilmaydi. 
Qo‘l yuvishning zamonaviy usullarini ko‘rib chiqamiz: 
A)
Qo‘lni pervomurda (S-4 retsepturasi) yuvish usuli.
Pervomur – bu 
chumoli kislotasi, vodorod peroksidi va suvdan hosil bo‘lgan eritmadir. Bu eritma 
kuchli antiseptik bo‘lib, qo‘l terisi yuzasida himoya plenkasini hosil qiladi. Qo‘lga 
pervomurning 2,4% li eritmasi solingan tog‘arada ishlov beriladi. 
Yuvish quyidagicha amalga oshiriladi: 
1 – qo‘l 1 daqiqa davomida jo‘mrakdan oqib turgan suv tagida sovunlab 
yuviladi. 
2 – kaft va bilakning pastki 1/3 qismi tog‘orada salfetkasiz pervomur 
eritmasida 1 daqiqa davomida yuviladi. 
3 – steril salfetkalarda artilib quritiladi. Bir tog‘oradan birin-ketin 5 kishi 
qo‘lini yuvishi mumkin. 
B) Xlorgeksidin eritmasi bilan qo‘l yuvish usuli.
Bunda xlorgeksidinning 
0,5% spirtli eritmasidan foydalaniladi. Qo‘lga ushbu eritma shimdirilgan tampon 
bilan ikki marotaba 3 daqiqa davomida ishlov beriladi. 

---

40