Toshkent tibbiyot akademiyasi ergashev u. Y. Xirurgik kasalliklar

 

---

38 
JARROH QO‘LI VA OPERATSIYA MAYDONINI TOZALASH 
USULLARI 
Operatsiyadan oldin qo‘lga ishlov berish – bu tibbiyot muassasalarida 
xodimlardan va bemorlardan mikroorganizmlarning tarqalishini oldini olishga 
qaratilgan usuldir. Oddiy sovun yordamida qo‘lni yuvishimiz orqali biz qo‘l 
terisidagi ko‘plab mikroorganizmlarni yo‘qotishga erishamiz. Bunday qo‘lni 
yuvish ovqat eyishdan, bemorni ovqatlanitirishdan, ovqat maxsulotlari bilan 
ishlashdan oldin, xojatxonaga borgandan keyin, bemorni parvarishlashdan oldin va 
keyin, har qanday qo‘l terisi ifloslanganida va xirurgik muolajalardan oldin amalga 
oshirilishi shart. Qo‘lni to‘liq antiseptik eritmalar yordamida dezinfeksiya qilish 
orqali biz qo‘l terisini mikroorganizmlardan samarali (to‘liq) xalos bo‘lishiga 
erishishimiz mumkin. Qo‘lga xirurgik ishlov berish – har qanday xirurgik 
muolajadan oldin amalga oshirilishi shart, shundagina biz tranzitor (qo‘lqopning 
muolaja paytida teshilishi yoki yirtilishida infeksiyani jarohatga tushishini) 
infeksiya o‘tishini oldini olamiz. Qo‘lni operatsiyaga tayyorlashning ayrim 
usullarini ko‘rib chiqamiz: 
1.
Fyurbringer usuli (1888 y)
– qo‘l yuvish uchun taklif etilgan eski 
usullardan biridir. Bu bir necha ayrim bosqichlardan iborat: 
I bosqich – bunda qo‘llar ikki cho‘tka va sovun bilan kran ostida 10 daqiqa
yuviladi (har biri cho‘tka bilan 5 daqiqa). 
II bosqich – qo‘llar sterillangan sochiq yoki salfetka bilan artiladi. 
III bosqich – qo‘llar quruq 70
o
S spirt bilan yaxshilab, 3 daqiqa davomida 
artiladi. 
IV bosqich – 3 daqiqa davomida 1:1000 sulema eritmasida artiladi. 
V bosqich – tirnoq tagi, teri burmalari 1:1000 sulema eritmasida artiladi. 
2.
Alfeld usuli (1895 y)
– bu ham eski usullardan biridir: 
I va II bosqichlarda oldingi usulga o‘xshaydi. 
III bosqich – quruq qo‘llar 5 daqiqa davomida 96
o
S spirt bilan ho‘llangan 
salfetkada yaxshilab artiladi. 
IV bosqich – tirnoq tagi, tirnoq burmalari 5-10% li yod eritmasida artiladi. 

---

39 
3.