Тошкент Тиббиёт Академияси

ЎТ (сафро) ХАЙДОВЧИ ВОСИТАЛАР.

Сафронинг физиологик аҳамиятларидан бири унинг таркибидаги ўт кислоталарининг ёғларини эмульгациялаштирувчи хоссасидир. Маълумки ёғлар эмульсия ҳолатидагини липаза ферменти таъсирида ўзлаштирилади ва ичакдан сўрилади. Сафронинг етишмовчилиги 2 хил сабаб билан бўлиши мумкин: жигар ҳуружларида ўтни хосил бўлишини бузилиши ёки хосил бўлган сафрони ичакка оқиб чиқишини бузилиши . Шунга асосланган ҳолда сафро ҳайдовчи воситалар икки турга бўлинадилар:

1. 
   Сафрони хосил бўлишини кучайтирувчи воситалар (холеретика, холесекретика, cholе-ўт, rheo-оқиш).
   
2. 
   Сафрони ажралишини кучайтирувчи воситалар (холагога ёки холикинетика-chole-сафро, ago-ҳайдаш).
   
3. 
   Сафрони ҳосил бўлишини кучайтирувчи воситалар (холеретика) ўз навбатида қуйидагиларга бўлинади.
   

• 
  Ўт кислоталари ва уларнинг тузлари дегидрохол кислота, хологон, дегидрохолин.
  
• 
  Сафро препаратлари-”холензим” таблеткалари.
  
• 
  Ўсимликлардан тайёрланган препаратлар-холосас.
  
• 
  Синтетик препаратлар-оксафенамид
  

Ушбу препаратларнинг барчаси сафро ҳосил бўлишини кучайтирадилар, айниқса ўт кислоталари.
ДИГИДРОХОЛ КИСЛОТА (Acidum dehydrocholicum -хологон, дегидрохолин). Жигар ҳужайраларининг физиологик таъсирлантирувчиси бўлиб ҳисобланади. Пешоб ажралишини ҳам кучайтиради. Сафрони суюлтиради, сафро йўлларида ўтни йиғилиб қолишига, кристалланишига йўл қўйилмайди, ичак перистальтикасини кучайтиради. Холангит, сурункали холециститлар, гепатитларда қўлланилади. Даволаш 2-4 ҳафта давом этади. Жигарнинг ўткир дистрофияларида, ўт йўлларини конкремент ёки ўсимталар билан беркилиб қолган ҳолатларда қўллаш мумкин эмас.(обтурацион сариқликда)
АЛЛАХОЛ – таркибида қуритилган сафро, саримсоқнинг қуюқ экстракти, (крапива) газанда ўтининг қуюқ экстракти, фаоллаштирилган кўмирдан иборат бўлган, усти қопланган таблеткалар. Асосан гепатоцитлар фаолиятини кучайтиради, МИТни секретор ва ҳаракат фаоллигини оширади, ичакда чириш ва ачиш жараёнларини камайтиради. Овқатдан кейин ичилади. Даволаш 3-4 хафта давом этади.