Тошкент Тиббиёт Академияси

Қўлланилиши: сурункали гепатит, холангит, холецистит, ичак атонияси туфайли юзага келган қабзиятларда.
Қўллаш мумкин бўлмаган ҳолатлар. Ўткир гепатитлар, жигар дистрофиялари ва обтурацион сариқликда
Нохуш таъсири: баъзи беморларда аллергик реакциялар, ич кетиши мумкин.
“Холензим” таблеткалари таркибида сўйилган қора молнинг қуритилган сафроси, қуруқ меъда ости бези ва қуритилган ингичка ичак шиллиқ қаватининг 0,1 г миқдорларидан тайёрланган. Таркибида амилаза ва трипсин ферментлари борлиги учун овқат ҳазм қилишни яхшилайди. Аллахол каби қўлланилади (овқатдан кейин ичилади).
“Лиобил” таблеткалари – таркибида 0,2 лиофилланган сафро бор. Холензим ва аллахол каби қўлланилади.
ХОЛОСАС (Cholosasum) – наъматакнинг меваси ва шакардан тайёрланган қуюқлаштирилган шарбат. Ўзига хос ҳидга эга. Ўт ажралишини оширади. 1 чой қошиқдан кунига 2-3 марта ичилади. Кўрсатмалар: гепатит, холециститлар. Булардан ташқари таркибида ментол, терпен ва эфир мойларини сақланган флавонлар, фитостеринлардан иборат 100дан ортиқ ўсимликлар препаратлар бўлиб, уларнинг аксарияти сафро ҳосил бўлиши ва ажралишини кучайтирадилар. (маккажўхори попуги, бузноч, сафро ҳайдовчи аралашмалар, дамламалар).
ОКСАФЕНАМИД – синтетик бирикма, сафрони ҳосил бўлишини ва ажралишини кучайтиради, айниқса гиперхолестеринемияда. Даволаш 15-20 кун давом этади.
Қўлланилиши: сурункали холециститлар, холецистогепатитлар, сафро-тош хасталиги ва бошқа ўт ажралишини ошириш зарур бўлган хасталиклар, ҳамда 12 бармоқли ичакни зондлашдан аввал ичилади. Антибактериал, спазмолитик, холинолитик воситалар ва промедол билан керак бўлган ҳолларда қўшиб ишлатилади. Нохуш таъсири йўқ, камдан-кам ҳолларда ични суриши мумкин.
Препаратнинг ўткир гепатитлар ва жигарда кучли дистрофик ўзгаришлар бўлганда қўллаш мумкин эмас .
ЦИКВАЛОН – сафро ҳайдовчи ва яллиғланишга қарши хоссаларга эга. Оксафенамидга ўхшаш кўрсатмалар бўйича қўлланилади.
Таблеткалари кунига 3 - 4 марта ичилади. 3 - 4 хафта давомида.
НИКОДИН – никотин кислотаси амиди ва формальдегид ҳосиласи. Сафро ҳайдовчи, бактериостатик ва бактериоцид таъсирга эга. Бу препаратдан ажралиб чиқаётган формальдегид билан боғлиқ. Препаратнинг қолган қисми витамин РР бўлиб жигар ҳужайраларига ижобий таъсир кўрсатади. Препаратни холециститларда, гастроэнтерит ва пешоб йўлларининг инфекцияларида қўлланилади. Айниқса сафро йўлларининг яллиғланиши гастрит ва колитлар билан биргаликда кечганда, кунига 3-4 мартадан овқатдан кейин 10-14 кун мобайнида ичилади.