Тошкент Тиббиёт Академияси

Нохуш таъсири: диарея, кўнгил айнаш, ичак коликаси, ҳолсизлик, бош оғриғи кучсиз ривожланади ва камчилик фақат беморларда кузатилади.
Пентопрозол, лансопрозол препаратлари ҳам омепрозолга ўхшаш таъсирига эгалар.
МИЗОПРОСТОЛ – ПГЕнинг синтетик унуми, меъдада HСl секрециясини камайтиради, бикарбонатлар ва шиллиқ ажралишини оширади. Меъда шиллиқ қавати ҳужайраларининг регенерациясини оширади, унда микроциркуляцияни яхшилайди. Умуман шиллиқ қаватнинг меъда ширасининг ва бошқа омилларнинг тажавузкорлик таъсирига қарши туриш қобилиятини кучайтиради. Ичилганда ҳам самарадорлиги яхши намоён бўлади. Меъданинг шиллиқ қаватларида ўткир ривожланган яраларни даволаш таъсир кучи бўйича Н₂-блокаторларига нисбатан кучсиз. Кўпинча диарея чақиради.
Қўлланилиши: меъда ва 12 бармоқли ичакнинг сурункали яра хасталикларида, ностероид яллиғланишга қарши препаратнинг меъдада яра чақиришини олдини олиш учун.
Нохуш таъсири: ич кетиш, енгил кўнгил айнаш, бош оғриғи, қорин оғриғи, беҳузурлик, қон босимини тушиши.
Қўллаш мумкин бўлмаган ҳолатлар: Простагландинларга сезгирлик ошганда, сут эмизувчи аёллар, ҳомиладорлик, ичакнинг яллиғланишида, мия ва юрак тож томирларида қон айланишининг бузилишида.

АНТАЦИД ВОСИТАЛАР.

(anti-қарши, acidus-жавҳар, нордон).
Бу гуруҳ воситаларнинг аксарияти асос хоссасига эга бўлиб, меъда ширасидаги НCl кислотаси билан реакцияга киришиб уни нейтраллайдилар.
НАТРИЙ ГИДРОКАРБОНАТ – антацид таъсири тез бошланади, лекин қисқа бўлади. СО₂ газини ҳосил қилади ва у меъданинг ҳажмини кенгайтириб, унинг секрециясини иккиламчи ҳолда оширади.
МАГНИЙ ОКСИДИ ва МАГНИЙ ТРИСИЛИКАТ антацид таъсири секин аста ривожланади, лекин натрий гидрокарбонатга нисбатан 3-4 марта кучлироқ.
АЛЮМИНИЙ ГИДРОКСИДИ – антацид ва адсорбциялаш ҳоссасига эга, қабзият чақириши мумкин.
КАЛЬЦИЙ КАРБОНАТ. Таъсири тез бошланади. СО₂ ни ҳосил қилади, қабзият чақириши мумкин. МИТдан кам сўрилади, шу туфайли системали таъсири кам бўлади. Лекин катта дозаларда гиперкальциемия ва алкалоз ривожлантиради.