Тошкент Тиббиёт Академияси

ИНТАЛ.

Кромолин-натрий-Интал. Лаброцитларнинг (семиз ҳужайраларнинг) дегрануляциясининг сусайиб нафас йўлларининг шиллиқ қаватидан биологик актив моддалар (гистамин брадикимнин, МСР-А) ни ажралишини сусайтиради. Бунда препаратнинг лимфоцитларнинг адрено-холино рецепторларини, ҳамда яллиғланиш медиаторлари таъсир этувчи рецепторларни оз бўлса-да блоклаш қобляти аҳамиятга эга бўлиши ммумкин. Кромолин-натрий Н1-рецепторларни блокловчи препаратлар хоссасига эга. Асосан бронхоспазмларни олдини олишда қўлланилади. Бронхоспазм хуружни даф этмайди. Давомли қўлланса хуружлар сни камаяди, у енгилроқ кечади ҳамда бронхларни кенгайтирувчи ва кортикостероид воситаларга бўлган эҳтиёжни камайтиради.
Кромолин-натрий асосан ёш беморларда самарадордир, чунки уларнинг ўпкасида суринкали яллиғланиш ва ўзгаришлар бўлмайди.
Препарат таъсири асосан атопик бронхиал астма, асматик бронхит, пневмосклероз ва юқумлик аллергик бронхиал астмада яққол кўринади. Препаратни битта капсулада 4 маҳал (ҳар 4-6 соатда) қўллаш керак. Оғир ҳолларда 8 марта (ҳар 3 соатда) ингаляцияқилинади. Ичилса нафи тегмайди. Бу препаратни бронхларни кенгайтирувчи ва кортикостероидлар билан бирга қўллаш мумкин. Кромолин-натрий билан даволаш давомли бўлиши керак. Даволаш натижаси 2-4 ҳафтадан кейин номоён бўлади. Қабул қилиш тўхтатилса касаллик хуружлари яна қайталанади.
Нохуш таъсири: ингаляциядан кейин йўтал, бронхоспазм бўлиши мумкин. Хомиладорликнинг 1-3 ойда ва 5 ёшгача бўлган болаларда қўллаш мумкин эмас.
Секин ривожланувчи аллергик реакцияларда қўлланадиган препаратлар:

1. 
   Иммунодепрессорлар (глюкортиноидлар, циклоспорин, цитотоксик воситалар).
   
2. 
   Тўқималарни жароҳатланишини сусайтирувчи воситалар (стероид ва ностероид тузулишли яллиғланишга қарши воситалар).
   

АСАБ СИСТЕМАСИГА ТАЪСИР ЭТУВЧИ ВОСИТАЛАР

Организм аъзолари ва системаларини бошқаришда асаб системаси юксак аҳамиятига эга. Шунинг учун хасталикларда аъзолар функциясини бузилишини бартараф этишда асаб системаси орқали таъсир этиш муҳимдир.
Асаб системасига таъсир этувчи дориларни нейротроп дорилар деб аталади. Асаб системасининг фаолияти рефлекслар билан боғлиқ бўлганлиги сабабли кўпгина нейротроп дорилар рефлекс ёйининг ҳар хил қисмларига таъсир этадилар. Таъсир этиш жойига қараб нейротроп дорилар 2 га бўлинадилар:

1. 
   Периферик нерв системасига таъсир этувчилар
   
2. 
   Марказий нерв системасига таъсир этувчилар.
   

Ўз навбатида периферик нерв системасига таъсир кўрсатувчи дориларнинг 2 хил тури мавжуд. Улардан бири афферент, иккинчиси эфферент иннервациясига таъсир этадилар. Рефлектор ёйнинг дорилар таассуротига жуда сезгир қисми бўлиб, рецепторлар ва улар билан боғлиқ сезувчи нерв толаларининг охирлари ҳисобланади, айниқса, химиорецепторлар (каротид коптокча, аортал химиорецепторлар).