Тошкент Тиббиёт Академияси

Қўллашга кўрсатмалар: лейкопоэзни сусайиши, апластик анемия, ҳавфли ўсмалар химиотерапиясида ривожланадиган, юқумли хасталиклар, ОИТСда кузатиладиган миелодиспластик синдромида.Асосан томирга киритилади.
Нохуш таъсири:диспепсия, анорексия, аллергия,гипертермия.
ФИЛГРАСТИМ – полипептид бўлиб, моноцитлар, фибробластлар ва эндотелий ҳужайралари ишлаб чиқаради. Гранулоцитлар келиб чиқадиган ҳужайралар пролиферацияси ва дифференцировкаси билан бир қаторда вояга етган гранулоцитларни(нейтрофиллар) фаоллигини стимуллайди. Препарат томир ичига ва тери остига киритилади. Молграмостим қўлланиладиган ҳолатларда ишлатилади.
Нохуш таъсири кам ривожланади. Баъзан жигар функциясини бузилиши, аллергия, «суяк»ларда оғриқ, дизурия бўлиши мумкин.
Лейкопоэзни сусайтирувчи воситалар лейкозларда қўлланилади. Улар ҳақида ҳавфли ўсмаларга қарши воситалар бўлимида тўхтаймиз.

ТРОМБОЦИТЛАР АГРЕГАЦИЯСИ, ҚОН ИВИШИ ВА ФИБРИНОЛИЗГА
ТАЪСИР КЎРСАТУВЧИ ВОСИТАЛАР.

Организмда гемостаз ўзаро функционал боғлиқ икки системанинг, тромб ҳосил қилувчи ва уни эритувчи (фибринолитик)ларнинг мувофиқ ишлашларига боғлиқ. Томир жароҳатланганда қон оқиш билан биргаликда томир тораяди, тромбоцитлар агрегацияси ва қоннинг ивиши кучайиб, тромб ҳосил бўлади ва қонаш тўхтайди. Юқоридаги икки тизимдан бирини бузилиши ё қонашнинг кучайишига, ёки тромбоэмболик жараёнларнинг (тромбоз) кучайишига олиб келади. Ана шу ўзгаришларни бартараф этиш учун бу системаларга таъсир этувчи воситалар қўлланилади:

ТРОМБ ХОСИЛ БЎЛИШГА ТАЪСИР ЭТУВЧИ ВОСИТАЛАР.

Улар қуйидаги гуруҳларга бўлинадилар:

1. 
   Тромбозларни даволаш ва уни олдини олиш учун қўлланиладиган воситалар:
   

1. 
   Тромбоцитлар агрегациясини камайтирувчи воситалар (антиагрегант)
   
2. 
   Қон ивишини камайтирувчи воситалар (антикоагулянтлар)
   
3. 
   Фибринолитик воситалар (тромболитик воситалар)
   

2. 
   Қон оқишини тўхтатувчи воситалар (гемостатиклар)
   

1. 
   Қон ивишини оширувчи воситалар
   
   1. 
      махаллий қўллаш учун
      
   2. 
      умумий (системали) таъсирли
      
2. 
   Антифибринолитик воситалар