Тошкент тиббиёт академияси одам анатомияси фанидан маъруза №1

Худойбердиев Рахим Эгамбердиевич (1922-2003) – Ўзбекистон Республикасида хизмат кўрсатган фан арбоби, тиббиёт фанлар доктори, профессор. Тошкент тиббиёт институтининг Одам анатомияси кафедрасининг мудири (1950-1992). 1969 йилда ёзилган «Одам анатомияси» дарслиги 3 маротаба қайта нашр этилган.
Зохидов Хаким Зохидович (1912-1979) – Ўзбекистон Республикасида хизмат кўрсатган фан арбоби, тиббиёт фанлар доктори, профессор. 1945-1947 йилларда Тошкент тиббиёт институтининг Ректори, 1947-1951 йилларда Ўзбекистон Республикасининг соғлиқни сақлаш Вазири. 1957-1960 йилларда Тошкент тиббиёт институти Одам анатомия кафедрасининг мудири. 1972-1979 йилларда Тошкент педиатрия тиббиёт институти Одам анатомия кафедрасининг мудири.
Ахмедов Носир Комилович (1922-2004) – Ўзбекистон Республикасида хизмат кўрсатган фан арбоби, Беруний номидаги Республика мукофотининг лауреати, медицина фанлар доктори, профессор. Иккинчи Тошкент тиббиёт институти Одам анатомия кафедрасининг мудири (1990 -1998). Кўпгина дарсликларнинг муаллифи.
Зуфаров Комилжон Ахмеджонов (1925-2004) – Ўзбекистон Республикасининг академиги, Ўзбекистон Республикасида хизмат кўрсатган фан арбоби, Беруний номидаги Республика мукофотининг лауреати, медицина фанлар доктори, профессор. Тошкент тиббиёт институтининг Ректори (1965-1971). Тошкент тиббиёт институти гистология кафедрасининг мудири (1962-1997). Кўпгина дарсликларнинг муаллифи.
Баходиров Файзулло Ниғматуллаевич (1944) – тиббиёт фанлари доктори, профессор. Тошкент тиббиёт институтининг Одам анатомияси кафедрасининг мудири (1992 -2013). Ўзбекистон Олий Атесстация комиссиясининг эксперти, ихтисослашган кенгаш раиси ва бошқа лавозимларда ишламоқда. 2005 ва 2006 йилларда ёзилган «Одам анатомияси» дарслиги 3 маротаба қайта нашр этилган. 2005 ва 2011 йилларда биринчи маротаба Ўзбекистонда ёзилган «Халқаро анатомик терминология» муаллифи. 2005 йилда “Одам анатомияси 1.0” электрон мультимедиа дарслиги ҳаммуаллифи. Ҳозирги пайтда Тошкент давлат стоматология институтининг Анатомия кафедраси профессори лавозимида ишламоқда.