Тошкент шаҳар “баркамол авлод” болалар маркази “юмшоқ Ўйинчоқлар”

Ўинчоқ тикишда ишлатиладиган чок турлари.
Ўичоқнинг ташқи кўриниши, асосан, тикиладиган чок сифатига боғлиқ. Юмшоқ ўйинчоқ тайёрлашда газлама турига қараб, қўл ва машина чокларидан фойдаланиш мумкин. Ўйинчоқлар тикишда тўғри чок, игна олдинлатилган чок, ёрма чок, қавиқ чок, босма чок, сиртмоқсимон чоклардан фойдаланилади.
Бичиқ деталларнинг ички чокларини бирлаштириш учун игна олдинлатилган чок туридан фойдаланилади. (1расм, a).

1-расм

Чокни тортиб, пишиқ ва майда қавиқ билан тикилади. Тикилган бўлаклар чокнинг пишиқлигини текшириш учун уларни ҳар томонга тортиб кўрилади; улар орасида тешиклар бўлмаслиги керак.

Ситилувчан газламаларни бирлаштиришда безак чоклари сифатида ёрма қавиқдан фойдаланиш мумкин. (2-расм, b).

2-расм
Мўйнали бўлакларни бирлаштиришда чеккаларидан айлантириб тикилади. (3-расм, d).



3-расм
Тикиб тайёрланган, ўнгига ағдарилган, ичи тўлдирилган ўйинчоқ бўлакларини бирлаштиришда кўринмас чок туридан фойдаланилади. (4-расм).



4-расм


Ўйинчоқлар ичини тўлдириш.
Ўйинчоқлар ичини тўлдириш учун пахта, поролон, синтепон каби ҳажмли материаллардан фойдаланиш мумкин. Ушбу материалларнинг айримларида камчиликлар бор. Поролон бир қанча вақт ўтгач, бўлакларга бўлиниб кетиб, заҳарли моддалар чиқаради.
Пахта ўзининг экологик тозалигига қарамай, вақт ўтиши билан ёпишиб қолади ва ўйинчоқнинг ташқи кўринишини бузади. Синтепух жуда қулай-ку, аммо топилиши қийинроқ.
Шунинг учун ўйинчоқлар ичини синтепон билан тўлдириш тавсия этилади, улар қанча узун ва ингичка бўлса, шунча яхши бўлади.
Ўйинчоқ ичига дон-дун, пластмасса қирқимлари қолдиқлари каби сочилувчан материаллардан фойдаланиб тўлдирилса, қувноқ ва кулгили ўйинчоқлар ҳосил бўлади.
Тайёр бўлган детални ўнгига ағдариб, қалам ёки таёқча ёрдамида, жуда ҳам зичламасдан, аммо бир текис ва дўмбоқларсиз тўлдирувчи материал билан тўлдирилади. Агар қўл, оёқ каби деталлар ичида симлар бўлса, тўлдириувчи материал билан тўлдириш вақтидаулар ўртада қолиб кетиши ва детал юзига чиқиб қолмаслиги керак.