Тошкент шаҳар “баркамол авлод” болалар маркази “юмшоқ Ўйинчоқлар”

Ўйинчоқ тикиш учун керакли материаллар.
Юмшоқ ўйинчоқ тикиш учун турли газлама ва материаллар керак бўлади. Ўйинчоқларга газлама танлашда рангига, толавий таркибига, қалин- юпқалигига эътибор беришлари лозим. Юмшоқ ўйинчоқ учун иложи борича янги газлама ёки аввалдан ювиб, дазмолланган сатин, бархат, штапел, пахмоқ, чит, жунли, мўйнали газламалар тавсия этилади. Қуйида иш жараёнида керак бўладиган материаллар келтирилган:
- Сунъий мўйна ( табиий мўйнадан фойдаланилгани маъқул);
- Ҳар турли лента (иложи борича чўзилмайдиган) газламалар;
- Оқ, қора ва турли рангдаги чарм (табиий ёки сунъий) ёки клеёнка бўлаклари;
- Ўйинчоқлар ичини тўлдириш учун рахта, синтефон, синтепух, поролон ва бошқа материаллар;
- Турли ўлчамдаги тугмачалар, мучоқлар, ишлатилмайдиган бижутерия (зирак, тақинчоқ) лар;
- Мустаҳкам ғалтак иплар (газлама рангига мослаб олинади);
- 1,5-2,0см қалинликдаги алюмин ёки мис симлар (ўйинчоқ қисмларини бириктириш учун);
- ПВА елими;
- “Момент” елими;
- Ҳайволарни ифодаловчи ўйинчоқлар учун тукли бумазея, сунъий ва табиий жун газламалар.
Тана юзасининг кўринишларини тасвирловчи қўғирчоқ ўйинчоқлари учун шифон, волта, сунъий толали шойи газламалар; юз қисми учун оч пушти, оч жигарранг газламалар, кийимлари учун рангли газламаларишлатиш тавсия этилади. Сочлар учун сунъий ва вискоза ипларидан фойдаланиш мумкин. Тикиш учун тайёрланган ўйинчоқни ичи пахта ва бошқа материаллар билан тўлдирилади. Бош қисмини безатиш учун тугмача, мунчоқ, ялтироқ чарм ёки клеёнка ишлатилади.


Ўйинчоқ тикиш учун керакли асбоблар.

• 
  Турли катта-кичикликдаги игналар тўплами – ўйинчоқ деталларини бир-бирига тикиб илаш учун, кўз, оғиз, бурун ва ҳоказоларни тасвирлаб тикиш учун ишлатилади.
  
• 
  Қайчилар – мойнали газламаларни бичиш учун ичи бир оз қайрилган ўткир, қолган газламаларни бичиш учун учи тўғри ва катта қайчилар ишлатилади.
  
• 
  Узун бигиз.
  
• 
  Омборлар металл симлари теккислаш ва кесиш учун ишлатилади.
  
• 
  Дазмол – газмала бўлакларини теккислашда ишлатилади.
  
• 
  Ёғочли, темирли таёқча – хажмли ўйинчоқлар ичини пахта ва бошқа қолдиқлар билан тўлдиришда ишлатилади.
  
• 
  Тикув машинаси – ўйинчоқ деталларини бириктириш учун ишлатилади.
  
• 
  Рангли, оддий қаламлар, мойбўёқлар – расм чизиш учун, мойқаламлар- қоғозда график ишларни чизишда,ўйинчоқ эскизларини тасвирлашда ишлатилади.
  
• 
  Бўр (тикувчиликда ишлатиладиган оқ ва рангли бўрлар) ва совун қолдиғидан ўйинчоқ деталларини бичишда фойдаланилади.
  
• 
  Тикувчиликда ишлатиладиган тўғнағич-булавкалар.