Toshkent pediatriya tibbiyot instituti xalqumning klinik anatomiyasi, fiziologiyasi va tekshirish usullari

Bosh 

miya 

miyacha 

25  rasm:  Ta’m  bilish  organining  o’tkazuvchi  yo’llari:  1-  orqa  markaziy  pushta,  2-  po’stloqni  ta’m 

markazi, 3- ko’rish do’ngligi bilan orqa markaziy pushtani po’stloq osti bog’lanishi, 4- po’stloq osti ta’m 

bilish markazi, 5- ko’ruv do’ngligi, 6- medial tolada uch shoxli nervning markaziy ko’tiriluvchi tolasi, 7- 

medial tolada ko’tiriluvchi ta’m tolasi, 8- oraliq nervi, 9- toshsimon tugun, 10- buyunturuq venasi, 11- til, 

12- yuz nervi, 13- til nervi, 14- nog’ora tori, 15- pastki jag’ nervi, 16- qanottanglay nervi, 17- yuqori jag’ 

nervi,  18-  yarim  oysimon  tugun,  19-  ko’z  nervi,  20-  katta  toshsiomn  nerv,  21-  tizza  tugun,  22- 

nohotsimon nerv, 23- dumsimon yadro   

---

74 

 

Nog’ora tori (chorda tympani) yuz kanalida joylashgan yuz nerv tizza tuguni 

hujayralarining  periferik  shoxlaridan  shakllanadi.  Nog’ora  tori  kanaldan 

toshsimon-nog’ora  yorig’i  orqali  o’tkir  burchak  ostida  pastga  va  oldiga  chiqib 

pastki  jag’  nervining  tarmog’i  bo’lgan  til  nervining  tarkibiga  qo’shilib  ketadi  va 

birgalikda  tilning  oldingi  uchdan  ikki  qismining  shilliq  qavatida  tugaydi.  Tizza 

tugunining  markaziy  tolalari  oraliq  nervni  hosil  qiladi.  Bu  yuz  nervi  va  dahliz-

chig’anoq nervi bilan bosh miyaning stvoli, miyachako’prik burchagidan chiqadi. 

Keyinchalik  pastga  buriladi  va  yagona  tugun  (fasciculus  solitaries)  tarkibiga 

qo’shiladi.  

Tilhalqum  nervining  ta’m  tolalari  toshsimon  tugun  (gang.inferior)  va 

buyunturuq tugundan (gang.superius) boshlanadi. Bu o’z navbatida miya asosining  

buyunturuq  vena  teshigining  oldida  joylashadi.  Bu  tugunlarning  periferik  tolalari 

tilning  orqa  uchdan  biri  va  yumshoq  tanglayning  shilliq  qavatlarida  tugaydi.  Bu 

soha tilga nisbatan ta’m bilish resteptorlariga boy hisoblanadi. Bu tolalar yig’ilib 

papillae  circumvalatae  deb  ataluvchi  so’rg’ichlarini  hosil  qiladi.  Tilning  yon 

tomonida boshqa til so’rg’ichi- bargsimon so’rg’ich (papillae foliatae) joylashgan. 

Bu  aytib  o’tilgan  soha  ta’m  bilish  moddalarni  o’tkirligi  va  qiyoslashda  katta 

ahamiyat  kasb  etadi.  Tilhalqum  nervining  pastki  va  yuqorigi  tugunlaridan 

chiquvchi markaziy tolalari uzunchoq miya tomon yo’naladi va oliva orti egatiga 

bir  nechta  bo’lib  birikadi.  Uzunchoq  miyada  ta’m  bilish  tolalari  orqaga  qarab 

yo’naladi  va  IV  qorincha  sohasiga  etmasdan  n.intermedius  tolasi  tarkibiga 

qo’shilib  bir  yo’l  tarkibiga  qo’shiladi.  Bir  yo’l  tarkibida  ikki  ta’m  bilish  tolalari 

(nog’ora tori va tilhalqum nervi) qo’shilib bitta po’stloq markaziga borib tugaydi.  

Ta’m bilish tolalarining keyingi yo’li quyidagicha: 

1  chi  neyron-  ta’m  bilish  piyozchalaridan  boshlanib  oxirgi  yadroda  (nucl. 

terminalis)  tugaydi. 

2  chi  neyron-  oxirgi  yadrodan  boshlanadi.  Bu  yadrolardan  chiqayotganda 

tolalar qarama qarshi tomondagi tolalar bilan kesishadi va retikulyar formastiyada 

medial  toladan  orqada  va  ichkarida  joylashadi.  Ayrim  tolalar  qarama  qarshi 

tomonga o’tmasdan o’zining yo’lida davom etadi va medial tola tarkibida ko’ruv 

---

75 

 

do’ngligiga boradi. U erda tolalar o’zining tomonida va qarama qarshi tomondagi 

ventral va medial yadrolarda tugaydi. 

3  chi  neyron- ko’ruv  do’ngliklaridan boshlanib ta’m  bilish  analizatorlarining 

po’stloq markaziga borib tugaydi.