Toshkent «noshir» 2017

Optsionning majburiy rekvizitlari:
— Nomi: «xarid qilish uchun optsion yoki «sotish uchun
optsion»;
— Davlat ro‘yxatiga olingan sana va raqam;
— Optsionning ro‘yxatdan chiqarish sanasi;
— Optsion emitentining nomi, manzili va bank rek-
vizitlari;
— Emitentning bazis aktivini sotish (xarid qilish optsioni
uchun) yoki sotib olish (sotish optsioni uchun) majburiyati,
— Optsionning amal qilish muddati yoki ijro etilish sanasi;
— Bazis aktivining o‘ziga xos xususiyati;
— Emitentning imzosi va muxri.
Optsionlar bilan operatsiyalar qimmatli qog‘ozlarning
birja hamda birjadan tashqari bozorlarida amalga oshirilishi
mumkin.
Optsionning turlaridan biri varrant (varrant ) hisoblanadi.
Varrant
– bu uning egasi ma’lum muddat davomida
yoki ma’lum bir kunda varrantlar emitenti tomonidan dast-
labki chiqarilgan qimmatli qog‘ozlarni xarid qilish huhuqini
olganligini tasdiqlovchi hujjat. Shunday qilib, varrantlarni
chiqarish bazis aktivini tashkil etuvchi qimmatli qog‘ozlarni

---

38
39
chiqarish bilan bog‘lanadi. Varrantning bazis aktivi bo‘lgan
qimmatli qog‘ozlarning bir nashri faqat varrantning bitta
nashriga huquq beradi.
Varrantlar muomalaga chiqarilgan va uchinchi shaxs-
larning qo‘lida bo‘lgan yoki emitentning o‘zi tomonidan
sotib olingan qimmatli qog‘ozlar bo‘yicha chiqarilishi mum-
kin emas. Bazis aktivining bahosi qimmatli qog‘ozlar nomi-
nalidan past bo‘lgan varrantlarning gemissiyasi taqiqanadi
(obligatsiyalar bundan mustasno).
Varrantning majburiy rekvizitlari:
— Qimmatli qog‘ozning nomi.
— Davlat ro‘yxatiga olingan sana va raqam.
— Varrantni ro‘yxatdan chiqarish sanasi.
— Varrant emitentining nomi, manzili va bank rekvizitlari.
— Emitentining bazis aktivini sotish majburiyati.
— Varrantning amal qilish muddati yoki ijro etilish sanasi.
— Bazis aktivining o‘ziga xos xususiyati.
— Varrant xaridorining nomi (egasining nomi yoziladigan
varrantlar uchun).
— Varrant emitentining imzosi va muxri.
Varrant emitentlari varrantlarning dastlabki egalariga ular-
ni xarid qilish uchun teng narx shartlarini ta’minlashi kerak.
Varrantlar egalari uchun qimmatli qog‘ozlarni joylashtirish
narxi ushbu qimmatli qog‘ozlarni varrantlar egasi bo‘lmagan
sarmoyador tomonidan joylashtirilishi narxidan farq qilishi
mumkin. Varrantlar bilan operatsiyalar qimmatli qog‘oz-
larning birja va birjadan tashqari bozorlarida bajarilishi
mumkin.