Toshkent moliya instituti m. Y. Raximov, N. N. Kalandarova moliyaviy tahlil

K_ja; ROA = Sof foyda (270-satr 2-shakl) / Joriy aktivlar (390-satr, 1-shakl)
Xususiy kapital rentabelligi (K_xk; ROE) har bir so‘mlik korxona xususiy kapitaliga to‘g‘ri keladigan sof foyda summasini aks ettiradi.
K_xk; ROE = Sof foyda (270-satr 2-shakl) / Xususiy kapital (480-460-470)-satr, 1-shakl)
Sotish rentabelligi (K_s; ROS) har bir so‘mlik tushumga to‘g‘ri keladigan yalpi foyda summasini aks ettiradi.
K_s; ROS.= Yalpi foyda (030 satr, 2-shakl) / Mahsulot sotishdan sof tushum (010 satr, 2-shakl)
Moliyaviy barqarorlik ko‘rsatkichlari tahlili korxona moliyaviy mustaqil yoki qaramliligini ifodalaydi. Mablag‘lar tarkibida qarz mablag‘lari ulushi yuqori bo‘lishi, moliyaviy barqarorlik pasayishiga olib keladi.
Korxonaning kreditga layoqatliligini baholashda foydalaniladigan asosiy ko‘rsatkichlar quyidagilar: mustaqillik koeffitsiyenti; qarz va o‘z mablag‘lari o‘rtasidagi nisbat koeffitsiyenti; xususiy kapital harakatchanligi koeffitsiyenti.
Mustaqillik koeffitsiyenti (K_mus) – jami mol-mulk qiymatida xususiy kapital ulushini ko‘rsatadi. Ushbu koeffitsiyentning 0,5 dan yuqori bo‘lishi korxonaning moliyaviy barqarorligini 0,5 dan past bo‘lishi moliyaviy qaramligini bildiradi.
K_mus = Xususiy kapital ((480-460-470)-satr, 1-shakl) / Jami mol-mulk qiymati (780 satr, 1-shakl)
Qarz va o‘z mablag‘lari o‘rtasidagi nisbat koeffitsiyenti (K_qo‘mn) – xususiy kapital va qarz mablag‘lari o‘rtasidagi nisbatni ko‘rsatadi.
K_qo‘mn = Majburiyatlar (770 satr, 1-shakl) / Xususiy kapital ((480-460-470)-satr, 1-shakl)
Xususiy kapital harakatchanligi koeffitsiyenti (K_xkx) – xususiy kapital tarkibida o‘z oborot mablag‘lar ulushini ko‘rsatadi. Bu koeffitsiyent normativi K_xkx > 0,2 yuqori bo‘lishi kerak.