Toshkent moliya instituti lotin yozuviga asoslangan

Erkin Vohidov 

O‘zbegim 

Tarixingdir ming asrlar 

Ichra pinhon, o‘zbegim, 

Senga tengdosh Pomiru 

Oqsoch Tiyonshon, o‘zbegim. 

 

So‘ylasin Afrosiyobu 

So‘ylasin O‘rxun xati, 

Qo‘hna tarix shodasida 

Bitta marjon, o‘zbegim. 

 

Al Beruniy, Al Xorazmiy,  

Al Forob avlodidan, 

Asli nasli balki O‘zluq, 

Balki Tarxon, o‘zbegim. 

 

O‘tdilar sho‘rlik boshingdan 

O‘ynatib shamshirlarin 

Necha qoon, necha sulton, 

Necha ming xon, o‘zbegim. 

 

Qaysari Rum nayzasidan  

Bag‘rida dog‘ uzra dog‘ 

Chingiz Botu tig‘iga 

Ko‘ksi qalqon, o‘zbegim. 

 

Yog‘di to‘rt yondin asrlar 

Boshingga tiyri kamon, 

Umri qurbon, mulki taroj, 

Yurti vayron, o‘zbegim. 

 

Davr zulmiga va lekin 

Bir umr bosh egmading, 

Sen-Muqanna, sarbador-sen, 

Erksevar qon, o‘zbegim 

 

Sen na zardusht, sen na buddiy, 

Senga na otash, sanam, 

Odamiylik dini birla 

Toza imon, o‘zbegim. 

 

Ma’rifatning shu’lasiga 

Talpinib zulmat aro, 

Ko‘zlaringdan oqdi tunlar 

Kavkabiston, o‘zbegim. 

 

Tuzdi-yu Mirzo Ulug‘bek 

Ko‘ragoniy jadvalin, 

Sirli osmon toqiga ilk- 

Qo‘ydi narvon, o‘zbegim. 

 

 

27

---

Mir Alisher na’rasiga 

Aks-sado berdi jahon, 

She’riyat mulkida bo‘ldi 

Shohu sulton, o‘zbegim. 

 

Ilmu she’rda shohu sulton, 

Lek taqdiriga qul, 

O‘z elida chekdi g‘urbat, 

Zoru nolon o‘zbegim. 

Topshiriqlar: 

1. “K” va “Q” harfi bilan tugagan quyidagi so‘zlarga egalik qo‘shimchalari qo‘shing. 

 

Agrotexnik, akademik, bank, darak, uzuk, bitik, jikkak, zambarak, ziyrak, ilk, kichik, 

kaltak, kiyik, koptok, nozik, tank, tek, bodroq, buyruq, butoq, zavq, iliq, yo’q, mantiq, maroq, 

nifoq, ovloq, qattiq, pichoq, sobiq. 

2. Bu so‘zlar  ishtirokida gaplar tuzing.