Toshkent moliya instituti lotin yozuviga asoslangan

Yonma-yon keladigan undoshlarning imlosi: 

1. 

Samarqand, do‘st, g‘isht past, artist kabi so‘zlarda d, t tovushi ba’zan aytilmasa ham, 

yoziladi; 

2. 

kilovatt, kongress, kilogramm, metall kabi o‘zlashma so‘zlar oxirida bir undosh aytilsa 

ham, ikki harf yoziladi. Lekin bunday so‘zga xuddi shu tovush bilan boshlanadigan qism qo‘shilsa, 

so‘z oxi

zilmaydi: kilogramm+mi=kilogrammi, metall+lar=metallar kabi. 

ridagi bir harf yo

’-tutuq belgisi: 

1. 

a’lo, e’lon, ba’zan, me’mor, she’r, fe’l, Nu’mon, e’tiqod, ma’yus, shu’la, ta’zim kabi 

o‘zlashma so‘zlarda unlidan keyin shu unli tovushning cho‘ziqroq aytilishini ifodalash uchun 

qo‘yiladi;  mo‘tadil, mo‘jiza kabi so‘zlarda o‘  unlisi cho‘ziqroq aytilsa ham, tutuq belgisi 

qo‘yilmaydi: 

2. 

san’at, mas’ul, qat’iy kabi o‘zlashma so‘zlarda unlidan oldin shu unli oldingi undosh 

tovushdan ajratib aytilishini ifodalash uchun qo‘yiladi. 

 

 

24

---

Kech kuz edi, men seni ko‘rdim, 

Derazamdan boqardi birov. 

U sen eding, o, dehqon yurtim, 

Turar eding yalangto‘sh, yayov. 

Tashqarida izillar yomg‘ir, 

Kir, bobojon, yayragil bir oz. 

Deding:-Paxtam, qoldi-ku axir, 

Yig‘ishtiray kelmasdan ayoz. 

Ketding, umri mahzanim manim, 

O‘zbekiston, Vatanim manim. 

 

Sen ketarsan balki yiroqqa, 

Farg‘onada balki, balqarsan. 

Balki chiqib oqargan toqqa, 

Cho‘pon bo‘lib gulxan yoqarsan. 

Balki ustoz Oybekdek to‘lib 

Yozajaksan yangi bir doston. 

Balki Habib Abdulla bo‘lib, 

Sahrolarda ochajaksan kon. 

Tuprog‘i zar, ma’danim manim, 

O‘zbekiston, Vatanim manim. 

 

Mayli, yurtim, kezsang ham dunyo, 

Fazolarga qo‘ysang ham qadam, 

O‘zligingni unutma aslo, 

Unutma hech, onajon o‘lkam. 

Bir o‘g‘lingdek men ham bu zamon  

Kechmishingni qildim tomosha. 

Iqbolingni ko‘roldim ayon 

Istiqlolning ufqlari osha. 

Iqboli hur, sho‘x-shanim manim. 

O‘zbekiston, Vatanim manim. 

 

Zavol ko‘rma hech qachon, o‘lkam, 

Zavol bilmas shu yoshing bilan. 

Muzaffar bo‘l, g‘olib bo‘l, o‘ktam, 

Do‘stu yoring, qardoshing bilan. 

Asrlarning silsilasida 

Boqiy turgay koshonang sening. 

Ulug‘ bashar oilasida 

Mangu yorug‘ peshonang sening. 

Mangu yorug‘ maskanim manim, 

O‘zbekiston, Vatanim manim. 

 

 

25

---