Toshkent moliya instituti ijtimoiy soha iqtisodiyoti fanidan

Жаҳон соғлиқни сақлаш ташкилоти. БМТ томонидан 1948 йилда тузилган. Ташкилот ўз олдига "ҳамма халқларнинг мумкин қадар соғ-саломат бўлишига эришиш"ни мақсад қилиб қўйган. Жаҳон соғлиқни сақлаш ташкилотининг вазифалари жумласига касалликларга қарши кураш олиб бориш, уларни тугатиш чораларини кўриш, атроф муҳит муҳофазаси, юқумли ва юқумсиз касалликларга қарши кураш учун халқаро стандартлар белгилаш, дори моддалар сифати ва қўшимча таъсири ҳамда гиёҳвандлик воситалари устидан халқаро назорат ўрнатиш, тиббиёт фанининг энг муҳим муаммолари бўйича ҳамда соғлиқни сақлаш соҳасидаги тадқиқотларни мувофиқлаштириш ва уларни амалга оширишга кўмаклашиш киради. Ташкилот 6 минтақавий ташкилотни ўз ичига олади.
Ўзбекистонда Жаҳон соғлиқни сақлаш ташкилоти бошқа донорлар билан ҳамкорликда юқумли ва юқумсиз касалликларни назорат қилиш, умумий эпидемиологик вазиятни, сув таъминоти ва санитария ҳолатини кузатиб бориш, акушерлар, ҳамширалар ва энагалар тайёрлаш, фармацевтика соҳасини ислоҳ қилиш ва зарур дори-дармонлар билан таъминлаш лойиҳаларини амалга оширмоқда.
Европа Иттифоқининг МДҲ мамлакатларига техникавий ёрдам кўрсатиш дастури (ТАСИС). ТАСИС дастури Европа Иттифоқининг
ташаббуси билан Мустақил Давлатлар Ҳамдўстлиги ва Мўғулистонга ёрдам кўрсатиш учун тузилган бўлиб, унинг мақсади ЕИ билан ҳамкор мамлакатлар ўртасида иқтисодий ва сиёсий алоқаларни ривожлантиришдан иборат. ЕИ ТАСИС дастури доирасида Ўзбекистонга техникавий ёрдам кўрсатади.
ТАСИС бозор иқтисодига ўтиш ва демократик жамият барпо этишни қўллаб-қувватлашга йўналтирилган илғор лойиҳалар ва технологияларга грантлар беради. ТАСИС шунингдек инвесторларни жалб этиш учун техникавий асослашларни ишлаб чиқишга ҳам кўмаклашади.
АҚШ Халқаро тараққиёт агентлиги (ЮСАИД). 1961 йилда ташкил этилган АҚШ Халқаро тараққиёт агентлиги мустақил федерал ҳукумат агентлиги бўлиб, унинг вазифалари жумласига АҚШнинг чет элдаги иқтисодий ва сиёсий манфаатларини рўёбга чиқариш мақсадида чет давлатларга ёрдам, шу жумладан инсонпарварлик ёрдами кўрсатиш киради.
ЮСАИДнинг Ўзбекистондаги уч асосий фаолият соҳасига иқтисодни реструктуризация қилиш, демократик жамият барпо этиш ва ижтимоий секторни мустаҳкамлаш киради. ЮСАИД хусусий секторни ривожлантириш, солиқ сиёсатини, солиққа тортиш қонунчилигини ислоҳ қилиш, қишлок хўжалиги соҳасидаги кичик корхоналарни ривожлантириш, соғлиқни сақлаш ва оилани режалаштиришни такомиллаштириш, ноҳукумат ташкилотларининг ролини кучайтириш ва бошқа шунга ўхшаган соҳаларда кенг ёрдам кўрсатади. Кросслинк Интернешнл. Мазкур халқаро ташкилот 1992 йилда АҚШда ташкил этилган. Шу йили у Ўзбекистонда ҳам ўз фаолиятини бошлаган. "Кросслинк Интернешнл" нинг асосий фаолият соҳалари жумласига инсонпарварлик ёрдам ва фавқулодда ёрдам кўрсатиш, аҳолининг саломатлига ҳолатини кузатиш, қишлоқ жойларида сув таъминоти тазимини
такомиллаштириш ва маҳаллий жамоаларни ривожлангариш киради. "Кросслинк Интернешнл" маблағ билан таъминловчи турли
ташкилотлар (БМТ Тараққиёт дастури, ЮСАИД, ЮНИСЕФ, "Болаларни қутқаринг" фонди ва АҚШнинг бир қатор ноҳукумат ташкилотлари) билан ҳамкорликда ноқулай табиий шароитли ҳудудларда, энг аввало Қорақалпористонда фаолият олиб бормоқда.
Фонд фаолиятининг асосий соҳалари жумласига хусусий секторни, оммавий ахборот воситаларини ривожлантириш, таълим бериш ва тадқиқотлар ўтказиш киради.