Toshkent kimyo-texnologiya instituti mustaqil ish

2. Texnik jihatdan tartibga solish davlat tizimini shakllantirish asoslari
Har qanday tizim, qator ilmiy-texnik asoslarga tayanadi, bu qoida Davlat tizimiga ham taalluqli. Quyidagilar Texnik jihatdan tartibga solish davlat tizimining tub negizlari hisoblanadi:
huquqiy asoslar;
tashkiliy asoslar;
atamalar va ta’riflar;
tizim elementlarining tasniflanishi;
asosiy qoidalar; nazariy asoslar.
Texnik jihatdan tartibga solish davlat tizimining huquqiy asoslari
O’zbekiston Respublikasining “Texnik jihatdan tartibga solish to’g’risida”gi Qonuni tizimning asosiy huquqiy hujjati hisoblanadi, shu asosda, yani ushbu Qonun qabul qilinishi munosabati bilan “O’zbekiston Respublikasining ayrim qonun hujjatlariga o’zgartishlar kiritish to’g’risida” gi Qonun loyihasi ishlab chiqilishi kerak.
Texnik jihatdan tartibga solish – maxsulotlar, ishlar va xizmatlar xavfsizligiga doir majburiy talablarni belgilash, qо‘llash va bajarish;
Mahsulotlar, ishlar va xizmatlar xavfsizligi – mahsulotning uni ishlab chiqarish, ishlatish (undan foydalanish), saqlash, tashish, realizatsiya qilish va utilizatsiya qilish jarayonlarining, bajariladigan ishlar, kо‘rsatiladigan xizmatlarning holati bо‘lib, bunda insonning xayotiga, sog‘ligiga, atrof-muhitga, yuridik, jismoniy shaxslarning va davlatning mol-mulkiga zarar еtkazilishi ehtimoli bilan bog‘liq yо‘l qо‘yilmaydigan xavf mavjud bо‘lmaydi;
Texnik jihatdan tartibga solish sohasidagi normativ xujjatlar – texnik reglamentlar, standartlashtirishga doir normativ xujjatlar, sanitariya, veterinariya - sanitariya, fitosanitariya qoidalari va normalari, shaharsozlik normalari hamda qoidalari, ekologik normalar va qoidalar hamda texnik jihatdan tartibga solish sohasidagi boshqa xujjatlar;
Texnik reglament - texnik jihatdan tartibga solish sohasidagi, mahsulotlar, ishlar va xizmatlar xavfsizligiga doir majburiy talablarni belgilovchi normativ hujjat;