Тошкент кимё –технология институти силикат материаллари ва нодир, камёб металлар технологияси кафедраси

«ГИДРОЭЛЕКТРОМЕТАЛЛУРГИЯ» ФАНИНИНГ ИШ ДАСТУРИ

Маъруза раками ва ажратилган соат	Мавзулар номи ва боблар бўйича мазмуни	Мустақил ўрганиш учун тавсия қилинадиган мавзулар
1- маъруза. 2 соат	Кириш. Гидроэлектрометаллургия фанининг мохияти ва унинг вазифалари.	Рудалардан металлар ажратиб олиш технологик схемалари.
2- маъруза. 2 соат	Электролитларни тайёрлаш. Руда ва концентратларни куйдириш.
3- маъруза. 2 соат	Ишқорлаш (реагентли ишлов) жараёнлари.	Темир гурухи металлари (никель, кобальт, темир) гидроэлектрометаллургияси.
4- маъруза. 2 соат.	Эритмаларни тозалаш. Кам эрувчи бирикмаларни чўктириш усул-лари. Адсорбция	Қўрғошин ва қалай ишлаб чиқариш гидроэлектрометал-лургияси.
5- маъруза. 2 соат	Эритмаларни цементация йўли билан тозалаш.	Мис, кумуш ва олтин ишлаб чикариш гидроэлектрометал-лургияси.
6- маъруза. 2 соат	Экстракцион тозалаш усули. Форэлектролиз. Тозалашнинг ион алмашинув усули.	Гидроэлектрометаллургиянинг келгусидаги имкониятлари.
7- маъруза. 2 соат	Металларни ажратиб олишнинг электрокимёвий усуллари. Сиқиб чиқариш усули.	Гидроэлектрометаллургияда хавфсизлик техникаси ва атроф-мухит мухофазаси.
8-маъруза.2 с	Қаттиқ электродли рафинирлаш.
9- маъруза. 2 соат	Қаттиқ электродли электроэкстракциялаш.
10-маъруза. 2 соат	Амальгамли металлургия.
11- маъруза. 2 соат	Электролиз цехларининг жихозлари.
12- маъруза. 2 соат	Рух ва кадмийнинг электролизи.
13- маъруза. 2 соат	Марганец ва хром электролизи.
14- маъруза. 2 соат	Мис гидроэлектрометаллургияси.

1-МАЪРУЗА. ГИДРОЭЛЕКТРОМЕТАЛЛУРГИЯ ФАНИНИНГ
МОҲИЯТИ ВА ВАЗИФАЛАРИ.


Гидроэлектрометаллургия деб руда ва концентратларни паст харорат-ларда реагентлар билан ишлов бериб(сувли эритмага ўтказиб), уларнинг таркибидаги металларни электролиз ёрдамида алоҳида ажратиб олиш жараёнига айтилади.
Реагентларнинг танлаб таъсир қилиш ҳусусиятларига кўра сувли қисмга асосан керакли бирикмаларгина ўтади. Бу усул камбағал таркибли рудалардан фойдали компонентларни ажратиб олишда жуда қўл келади. Гидроэлектрометаллургия камбағал ва бой таркибли рудалардан қўшимча металларни алоҳида ажратиб олиш ва асосий металлни эса тоза ҳолда олиш имконини беради. Масалан, рух олиш заводларида кадмий, қўрғошин, мис, кобальт ва қатор камёб металлар тузлари, концентратлари ва сульфат кислотаси қўшимча маҳсулот сифатида олинади.
Мис тозалаш заводида – мис, рангли металлар тузлари ва нодир металлар тутувчи “шлам” лар ҳам олинади. Қўшимча олинадиган маҳсулотларнинг қимматбаҳо эканлиги гидроэлектрометаллургик усулларнинг рентабеллигини кўрсатувчи омиллардан ҳисобланади. Келажакда пирометаллургияни ўрнини боса оладиган электрокимёвий жараёнларни излаб топиб, ишлаб чиқаришга татбиқ қилиш кўп томондан мақсадга мувофиқ режалардан ҳисобланади.
Аввал айтганимиздек, ҳар қандай металлургик жараённинг охирги ва асосий қисми металларни унинг эритмаларидан тоза металл ҳолида ажратиб олиш, яъни элементнинг термодинамик мустаҳкам ион ҳолатидан мустахкамлиги камроқ бўлган металл ҳолатига ўтказишдир. Бу жараён, сувли муҳитда, нормал шароитда, электр токи ёрдамида, маълум энергия сарфланиб олиб борилса, гидроэлектрометаллургик жараён ҳисобланади.
Саноатда рудалардан металларни электролитик рафинирлаш ва электро-экстракция усуллари ёрдамида ажратиб олинади.