Тошкент кимё-технология институти органик кимё фанидан амалий машгулотлар буйича услубий кулланма

3- Амалий машгулот


МАВЗУ: АЛКЕНЛАР (туйинмаган углеводородлар)


Машғулот режаси:

1. 
   Изомерия ва номланиши
   
2. 
   Олиниш усуллари
   
3. 
   Физик ва кимёвий хоссалари
   
4. 
   Масала ечиш намуналари
   
5. 
   Машқлар
   
6. 
   Тест саволлари
   

Молекуласида битта қўшбог булган туйинмаган углеводородларга алкенлар дейилади. Бундай углеводородларнинг биринчи вакили этилен С₂Н₄ булганлиги сабабли, ушбу гомологик каторни этилен катори углеводородлари дейилади.

Тўйинмаган углеводородлар деб углеродларнинг сони тўйинган углеводородларникига тенг бўлиб, водородларнинг сони тўйинган углеводородларникидан 2,4,6 га кам бўлган углеводородларга айтилади.
Этилен углеводородларнинг умумий формуласи С_nH_2n
И

зомерияси ва номланиши. Этилен углеводородларининг изомерияси учунчи вакилидан бошланади. Улар изомерларининг сони тегишли тўйинган углеводородларникига қараганда кўп. Бунга сабаб, уларда структура изомериясидан ташқари фазовий ёки геометрик (цис-транс) изомериянинг мавжудлиги ҳисобланади. Фазовий изомерия қўшбоғ билан боғланган икки углерод атомида бир хил функционал гуруҳлар бўлган бирикмаларда юзага келади. Бу функционал гуруҳлар қўшбоғга нисбатан фазода бир томонда жойлашган бўлсалар цис-изомер, қарама-қарши томонда жойлашган бўлсалар транс-изомер ҳосил бўлади.

Бу изомериянинг мавжуд бўлишига сабаб шуки, қўшбоғ билан боғланган углерод ўз ўқи атрофида айлана олмайди. Шунинг учун функционал гуруҳлар фазода углерод – углерод (С – С) боғланиш атрофида эркин айлана олмайдилар. Натижада изомерия вужудга келади.

Этилен углеводородларини ҳам уч хил номенклатурада номлаш қабул қилинган.
Эмперик (тасодифий) номенклатура бўйича алкенлар номининг–илен қўшимчаси билан тугалланади:
СН₂ = СН₂ - этилен
СН₃ – СН = СН₂ - пропилен
Рационал номенклатура бўйича этиленни асос қилиб олинади ва унинг гомологлари этеленнинг ҳосилалари деб қаралади.
СН₃ – СН = СН₂ - метилэтилен
Систематик номенклатура бўйича этилен углеводородларининг номи тегишли тўйинган углеводородлар номи охиридаги –ан қўшимчасини –ен қўшимчасига алмаштириб ҳосил қилинади. Радикалларнинг номи ва ҳолати рақамлар билан кўрсатилади. Кушбог тутган занжир асосий килиб олинади.
Алкенлардан хосил булган радикалларнинг умумий номи алкенларлар дейилади. Масалан, СН₂=СН- винил (этилен) радикали; СН₂=С(СН₃)- изопропенил; СН₃-СН=СН-пропинил; СН₂=СН-СН₂-аллил.
Мисол тарикасида куйидаги бирикмаларни систематик номенклатура буйича номлашни курамиз: