Тошкент кимё технология институти «Аналитик, физикавий ва коллоид кимё кафедраси» Тузувчи: Доцент – Х. С. Талипова

Айни фазанинг заряд ишораси Кён қоидасига мувофиқ аниқланади:

бир-бирига тегиб турган икки фазадан қайси бирининг диэлектрик сингдирувчанли катта бўлса, ўша фаза мусбат зарядланади.

Агар сув билан қаттиқ жисм системасини оладиган бўлсак, у ҳолда сувнинг диэлектрик константаси (яъни диэлектирик синдирувчанлиги) катта бўлгани учун (81), бу системада ҳосил бўлган қўш электр қаватда сувга туширилган қаттиқ модда сирти манфий зарядга, сув сирти эса мусбат зарядга эга бўлади.

Хулоса қилиб айтганда, дисперс системаларнинг заррачалари электр зарядига эга.

• Дисперс системаларнинг электрокинетик хоссалари
• Электрокинетик ҳодисалар дисперс системаларнинг электрик ва кинетик хоссаларини бир-бирига боғлиқли-гидан келиб чиқади. Уларга
• электрофорез
• электроосмос
• чўкиш ва
• оқиб чиқиш потенциаллари киради.
• Коллоид заррачалар маълум зарядга эга бўлганлиги учун коллоид эритмага ташқаридан электр токи берилганда заррачалар бирор электрод томон ҳаракат қилади, яъни манфий заррача мусбат электродга, мусбат заррача манфий электродга томон боради.

• Бу ходисани биринчи бўлиб 1807 йилда Москва университетининг профессори Ф.Ф. Рейсс тажриба (расм) асосида ўрганган.

• Рейс тажрибада - лой бўлагига 2та тоза шиша най ўрнатиб, устига ювилган тоза қум ва бир хил баландликда сув солган. Найларнинг бирига (+) электрод, иккинчисига (-) электрод тушириб, ток улаган. Маълум вақтдан сўнг электр майдони таъсирида лой заррачалари сатҳдан узилиб чиқиб, қум орқали мусбат қутбга қараб ҳаракатланиши натижасида анодда лойқаланиш ҳосил бўлган. Демак, лой заррачалари манфий зарядланган экан.
• Дисперс фаза заррачаларининг ташқи электр майдон таъсирида қарама – қарши зарядланган электродларга ҳаракатланиши электрофорез ёки катофорез дейилади.
• Заррачаларнинг электр майдонидан ўтиш тезлиги берилган токнинг кучига ва лойнинг электр ўтказувчанлигига тўғри пропорционал бўлиб, лойнинг қовушоқлигига эса тескари пропорционалдир.

• Демак, мусбат электрод туширилган найда суспензия хосил бўла бошлайди. Лекин шу билан бир вақтда манфий электрод туширилган найда (катодда) сув сатҳи кўтарилади; мусбат электрод туширилган найдаги сувнинг камайиб бориши сувни мусбат зарядга эга эканлигидан далолат беради.
• Дисперс муҳитнинг (суюқликнинг) ташқи электр майдони таъсирида қўзғалмас дисперс фазага нисбатан ғовак жисм орқали электродлар томон силжиши электроосмос дейилади.
•