Toshkent farmatsevtika instituti tillar kafedrasi magistratura talabalari uchun

Vazifalari:
1. Nutq madaniyatini o‘stirishga oid Yevropa mutafakkirlarining qarashlarini o‘rganish, savollariga mustaqil javob bera olish, matndagi asosiy fikrni gapirib berish, tibbiyot xodimining nutqini rivojlantirish yuzasidan tavsiyalar berish;
2. Notiqona so‘zlashning oddiy kundalik-maishiy nutqdan farqli tomonlari, diplomatik nutq bilan akademik nutqning va boshqa nutq ko‘rinishlarining o‘ziga xosliklari ustida ishlash;
3. Nutq ko‘rinishlarining nutq vaziyati bilan bog‘liqligini misollar orqali tushuntirish malakasini hosil qilish;
4. Berilgan topshiriqlarni o‘z fikrlari asosida to‘ldirish va amaliy faoliyatida ishlatish;
5. “Notiqlik san’atining rivojlanish bosqichlari” mavzusida og‘zaki ma’lumot berish.
Rezidentlarga mavzuni o‘rgatishda nutq madaniyatini o‘stirish usullari va metodlarini o‘rgatish, ularning nutq ko‘rinishlari asosida kasbiy leksikalarini oshirib, yangilab borishga diqqatni qaratish lozim. Antik davr notiqlik madaniyatida nutq turlari va ko‘rinishlarining o‘rni va ahamiyatini atroflicha tushuntirishni hisobga olish shart.
Masalan: Ertangi mutaxassis nafaqat hayotdan, balki o‘zining atrofidagi yaqinlari, ustozlari, rahbarlari, jami faoliyatlar jarayoni, jami borliq, turfa xil voqeliklardan tinmay ilm olib, fazilat o‘rganib mukammallashib boradi.
Antik davr notiqlarining til va nutq hamda so‘zni o‘z o‘rnida qo‘llash mahorati xususida bildirgan fikrlari va qarashlari asosida ma’lumotlar berish. Shu asosda fikringizni bildiring.
Quyidagi vaziyatli masallarni mustaqil fikrlaringizdan foydalanib hal qilishda qatnashing:
1. Suhbatdoshning so‘zini bo‘lish texnikasi
Agar suhbatdoshingiz doimiy ravishda so‘zingizni bo‘lsa. Sizning xulqingiz harakatlari: pauza (to‘xtam) qiling-da, siz o‘z fikrlaringizni davom ettirish yoki ettirmasligingizni so‘rang.
2. Ilmiy texnika
Suhbatdoshingiz ulug‘larning fikrlarini ishlatib, ularni keltiryapti. Yana yomonrog‘i u maqsadli ravishda noto‘g‘ri qo‘llab, sizdan nimanidir boshqachaligini so‘rayapti. Lekin alohida shaxslar-ning hamma fikrlarining aniqligini kim ham bilardi? Sizning xulqingiz harakatlari: siz ham o‘zingizga tanish sitatalarni keltiring. Bu maqsadda iloji bo‘lsa, oldindan suhbatning har qanday mavzusiga to‘g‘ri keladigan bir nechta sitatalarni tayyorlab qo‘ying. Bunda siz suxbatdo-shingizdan aynan shu sitatalarni eshitishni xohla-ganingizni aytishingiz mumkin.