Toshkent farmatsevtika instituti tillar kafedrasi magistratura talabalari uchun

Vazifalari:
1. Nutq madaniyatini o‘stirishga oid SHarq mutafakkirlarining qarashlarini o‘rganish, savollariga mustaqil javob bera olish, matndagi asosiy fikrni gapirib berish, tibbiyot xodimining nutqini rivojlantirish yuzasidan tavsiyalar berish;
2. Notiqona so‘zlashning oddiy kundalik-maishiy nutqdan farqli tomonlari, diplomatik nutq bilan akademik nutqning va boshqa nutq ko‘rinishlarining o‘ziga xosliklari ustida ishlash;
3. Nutq ko‘rinishlarining nutq vaziyati bilan bog‘-liqligini misollar orqali tushuntirish malakasini hosil qilish;
4. Berilgan topshiriqlarni o‘z fikrlari asosida to‘ldirish va amaliy faoliyatida ishlatish.
Pirimqul Qodirovning «Yulduzli tunlar» romanidan olingan matn asosida «iste’dodlar» haqidagi fikringizni bildiring.
Xondamir:
- Biz safardan qaytsak yoki Hazratga 1-2 kun ko‘rinmasak, «Qani, xo‘sh qanday ajoyib iste’dod uchratdingiz?» – deb so‘rar edilar. Nodir iste’dodlarning ba’zilari 15-16 yoshli o‘spirinlar bo‘lardilar. Alisherbek «bo‘ladigan bola 15 yoshidan ham bosh bo‘lur, deb topilgan iste’dodni huzurlariga chorlar edilar. Sohib Doro iste’dodli shoir Zayniddin Vosifiiyni 15 yoshlarida Hazrat Mirning huzuriga keltirgandilar. Sahovatlaridan bahramand bo‘lgan bu shoir Hirotda mashhur bo‘ldi. Ulug‘ musavvir Kamoliddin Behzod, shoir Hiloliy, hattot Sulton Ali Mashhadiy ham Hazrat Alisher kashf etgan noyob iste’dodlardir. Hozirgi Hirot keyingi 30-40 yil ichida oldingidan 10 barobar go‘zalroq, ulug‘vorroq bo‘lib ketganini barcha fozil kishilar ham ayturlar.
Bobur:
-So‘zingiz chin, Mavlono. Men ko‘rgan Rub’i makunda Hirotdek shahar yo‘qdur!
Sohib Doro:
-Amirzodam, bugungi Hirotni shunchalik go‘zal, shunchalik mashhur qilgan – el-ulus orasidan chiqqan iste’dodlar emasmi?
Bobur:
-Rost! Ko‘z oldimizda turgan barcha nodir obidalar - ulug‘ iste’dodlar xazinasidan chiqqan gavharlardir.
Quyidagi vaziyatli masallarni mustaqil fikrlaringizdan foydalanib hal qilishda qatnashing: