Тошкент фармацевтика институти

Дори воситалари соҳасидаги давлат сиѐсати нима учун керак? 
 
Дори воситалари соҳасидаги давлат сиѐсати қатор сабабларга кўра ўта 
муҳимдир. Уларнинг асосийлари қуйидагилардир: 
- ҳукуматнинг моддий бойликлар, ҳатти-ҳаркатлари, қарорлари ўрта ва узоқ 
муддатли мажбуриятларининг расмий рўйхатини тақдим этиш; 
- фармацевтика сектори учун давлат мақсадлари ва вазифаларини
белгилаш, шунингдек, улар устиворлигини аниқлаш; 
- мазкур вазифаларни адо этиш стратегиясини аниқлаш ва ушбу сиѐсатни 
амалга оширишга масъулиятли ҳаракатда бўладиган шахсларни белгилаш; 
- ушбу масалаларни умумдавлат даражасида муҳокама этадиган анжуман 
тузиш. Дори восита соҳасидаги ҳужжатлар бўйича маслаҳатлашув ва 
умумдавлат муҳокамаси ўта аҳамиятли бўлиб, улар барча сиѐсатга умумий 
даҳлдорлик туйғусини уйғотади. Бу ҳолат давлат фаолиятида муҳим 
аҳамиятга эгадир, зотан, у истиқболда белгиланган сиѐсатни амалга 
оширишда керак бўлади. Сиѐсатни амалга ошириш сиѐсий ҳужжат сингари 
муҳим мазмун касб этади. Тенг ҳуқуқли даҳлдорли, керакли сифат ва 
оқилона фойдаланиш бўйича асосий вазифалар давлат дори восита 
сиѐсатида акс этади, аммо бу сиѐсат равшанки турли мамлакатларда 
турлича бўлади. Вазифалар ва стратегияларнинг сўнгги кўламлари 
иқтисодий тараққиѐт ва захиралар даражаси, маданий-маърифий ҳамда 
тарихий омилларга боғлиқ бўлади, шунингдек, сиѐсий муҳит ва танловларга 
бевосита алоқадордир. Мазкур йўл-йўриқлар ўзларининг эҳтиѐжлари, 
устиворлиги ва захиралари мос умумий сиѐсий оралиқ тизилмаларни ишлаб 
чиқишда ва амалга оширишда кўмаклашишга даъват этилгандир. 
Дори – воситалари соҳасидаги давлат сиѐсати-соғлиқни сақлаш 
сиѐсатининг узвий қисмидир. 
Дори воситалари (ДВ) соҳасидаги давлат сиѐсати соғлиқни сақлаш 
тизилмаси, соғлиқни сақлаш давлат сиѐсати, соғлиқни сақлашнинг ўта кенг 
вазифаларига мос бўлиши, сиѐсат эса мазкур ўта кенг вазифаларни 
бажаришга жавоб бериши керак.

---

123 
Соғлиқни сақлаш сиѐсати ҳамда маълум бир мамлакатдаги кўрсатиладиган 
хизматлар танлаш кенглиги ва эҳтимоли турли ҳаркатлар дори восита 
сиѐсатининг муҳим белгиловчи омиллар ҳисобланади. Ўзга бир томондан 
дори воситалар борасидаги вазият ўз навбатида соғлиқни сақлаш хизмати 
тўғрисидаги фикрларга таъсир ўтказиши мумкин. Агар сифатли 
дориларнинг етарли даражадаги таъминоти бўлмаса, ѐҳуд мазкур дорилар 
нотўғри тавсия этилса, бундай хизматларга ишонч йўқолади. Шу тариқа 
фаол дори восита сиѐсатининг амалга оширилиши аҳолининг тиббий 
хизматлар ва улардан фойдаланишга бўлган ишончини ўстиради.
Шунингдек иқтисодий далиллар ҳам мавжуд. Кўпгина мамлакатларда 
тиббий-санитар ѐрдамчига доир катта улуш дори воситаларга тўғри келади. 
Шу боис тиббий –санитар ѐрдамни молиялаштириш дори воситаларга 
маблағ ажратиш билан тиғиз боғлиқ бўлади. Дори восита сиѐсатисиз 
Соғлиқни сақлаш сиѐсатини амалга ошириш қийин кечади.