Тошкент фармацевтика институти

Рекламанинг турлари. Таснифланиш белгилари. 
Реклама мазмуни, унинг қайси объектни тавсифлашига қараб реклама 
товар ѐки фирма рекламаси каби турларига ажратилади. 
Товар рекламаси
фармацевтика бозорида тижорат функциясига эга, 
чунки у дори воситалари ва тиббийбуюмларнинг истеъмол қилиш 
ҳусусиятларини 
тарғибот 
қилган 
ҳолда 
бозор 
муносабатларини 
ривожлантиришга хизмат қилади. Товар рекламасининг асосий мақсади 
товарга бўлган талабни шакллантириш ва унинг сотувларини 
ривожлантиришдир. Реклама аниқ бир товарни тарғибот қилар экан, албатта 
унинг сотилишига ѐрдам беради. Товар рекламаси истеъмолчига товарнинг 
хусусиятлари, фазилатлари ва афзалликлари ҳақида маълумот беради, унга 
бўлган қизиқишини уйғотади. Истеъмолчи сотувчи билан мулоқот қилишга 
ҳаракат қилади ва суст, потенциал ҳаридордан ҳарид қилишга тайѐр бўлган 
фаол ҳаридорга айланади.
Фирма (нуфузли) рекламаси
фирманинг бошқа рақобатчилардан 
фарқ қилувчи фазилатларини, устувор томонларини, афзалликларини 
ѐритиб берувчи реклама туридир. Бундай рекламанинг мақсади жамиат, 
аввало фаол ва потенциал ҳаридорлар орасида фирманинг нуфузли, 
салмоқли имиджини яратиш асосида, фирмага ҳамда бу фирмада ишлаб 
чиқариладиган маҳсулотга нисбатан ишонч ҳиссинишакллантиришдан 
иборат. Фирма рекламаси янги, юқори сифатли маҳсулотларни ишлаб 
чиқаришда мазкур фирма истеъмолчилар, атроф-муҳит ва жамиат учун 
қайғуришини, 
аҳоли 
фаровонлигини 
ортишига 
катта 
эътибор 
қаратаѐтганини алоҳида такидлайди. Фирма рекламасининг вазифаларига 
истеъмолчи ва харидорлар онгида фирманинг обрў-эътиборли, юқори 

---

197 
малакали корхона, ишончли ҳамкор эканлиги ҳақидаги фикрни 
шакллантириш, ва фирманинг нуфузли тимсолини яратиш асосида унда 
ишлаб чиқариладиган товар сотувларини фаоллаштириш киради.
Фармацевтика бозорида, шунингдек, бевосита (тўғридан тўғри) ва 
билвосита (яширин) реклама турлари мавжуд.