Toshkent davlat yuridik universiteti xalqaro tashkilotlar huquqi

Xalqaro nohukumat tashkilotlar –
xalqaro hukumatlararo 
shartnoma asosida ta'sis etilmagan, turli mamlakatlarning jismoniy va 
yuridik shaxslari tomonidan tuziladigan hamda davlat ichki huquqiga 
muvofiq ravishda bir yoki bir necha davlat hududida yuridik shaxs 
sifatida ro'yxatga olinadigan tuzilma.

---

28 
Mazkur belgilar xalqaro tashkilotlarni nafaqat xalqaro huquq 
subyektlaridan, balki xalqaro huquq subyekti sifatida e'tirof 
etilmaydigan xalqaro nohukumat tashkilotlardan ham farqlash imkonini 
beradi.
1. Shartnomaga asoslanganlik
. Qoidaga ko'ra xalqaro tashkilotlar 
xalqaro shartnomalar asosida (konvensiya, kelishuv,traktat,protokol va 
h.k) tashkil etiladi.Xalqaro tashkilotning odatda ko'p tomonlama ta'sis 
akti xalqaro tashkilotning Ustavi hisoblanadi. Mazkur hujjat 
tashkilotning huquqiy maqomi, tashkiliy tuzilishi, a'zolar bilan o'zaro 
munosabatlarini tartibga soladi, boshqacha qilib aytganda, xalqaro 
tashkilotning xalqaro huquq subyekti sifatdagi vakolatlari doirasini 
belgilab beradi. Mana shuning uchun ham xalqaro hukumatlararo 
tashkilotlar cheklangan vakolatli xalqaro huquq subyekti sifatida e'tirof 
etiladi. 
Aksariyat xalqaro hukumatlararo tashkilotlar davlatlar o'rtasida 
imzolanadigan ta'sis shartnomasi asosida tashkil etiladi. Biroq, xalqaro 
tashkilotlarning ustavida nazarda tutilgan vakolatlarga binoan, xalqaro 
tashkilotlar muayyan xalqaro tashkilotning organi tomonidan ham 
tashkil etilishi mumkin. 
BMTning Sanoat taraqqiyoti tashkiloti (YUNIDO) 1966 yil17 noyabrda 
BMT Bosh Assambleyasining rezolyutsiyasi (qarang: Bosh Assambleyaning BMT 
Sanoat taraqqiyoti tashkilotini tashkil etish to'g'risidagi A/RES/2152(XXI) 
rezolyutsiyasi) bilan tashkil etilgan. Rezolyutsiyaga ko'ra, YUNIDO Bosh
Assambleyaning organi sifatida tashkil etilgan bo'lsada, BMTning avtonom 
tashkiloti sifatida faoliyat ko'rsatadi.